"Олтин тўп" футбол дунёсидаги энг катта индивидуал совринлардан бири ҳисобланади. 2023/24 йилги мавсумда юз берадиган воқеалар ва қайд этиладиган натижалар ушбу совриннинг янги эгасини белгилашда катта ёрдам беради. Қуйида даъвогарлар ва улар қилиши керак бўлган ишлар ҳақида сўз боради. 2024 йилда Осиё, Африка, Европа ва Америка чемпионатлари ўтказилишини ҳисобга олсак, катта юлдузларнинг имкониятлари янада ошади.
Харри Кейн
Кейн "Бавария"га ўтиш орқали узоқ кутилган титул ютиш орзусини амалга ошириши мумкин. Англия терма жамоаси аъзоси янги клубида Роберт Левандовскининг рекордини янгилашга улгурди. Аммо "Бавария" жорий мавсум охирида ҳеч бир совринни юта олмаслигиям эҳтимолдан ҳоли эмас. Масалан, мюнхенликлар Германия суперкубогини бой берди. Мамлакат кубогини ҳам эрта тарк этди. Бунделигада эса "Байер Леверкузен"дан нақ етти очко ортда бормоқда. Лекин ЕЧЛ борасида ундай дея олмаймиз. Негаки, Европа саҳнида "Бавария" ҳали ҳам кучли. Кейн эса бу кучнинг муҳим қисмларидан бири саналади.
Кейн "Олтин тўп"ни ютиши учун нима қилиши керак: ЕЧЛ ёки Евро-2024 даги муваффақият. Ҳар иккисини ютиш эса ғолибликни кафолатлайди.
Жуд Беллингем
Беллингем "Реал"да фантастик старт намойиш этди. Анчелотти жамоасида айни дамда ундан ҳам муҳимроқ таркиб вакили бўлмаса керак. 20 ёшли ярим ҳимоячи июль ойида Германиядаги қитъа чемпионатида ғалаба қозона олса, шубҳасиз Беллингем номи ҳам "Олтин тўп" фаворитлари қаторида эътироф этилади.
У нима қилиши керак?: ЕЧЛ ёки Евро-2024 даги муваффақият. Ҳар иккаласини ютиш эса ғолибликни кафолатлайди.
Килиан Мбаппе
Мбаппе "Монако"даги давридаёқ маълум эдики, у ўз даврининг энг яхшиларидан бирига айланади. Айни дамда ҳужумчи "ПСЖ" ва Франция термасининг энг катта юлдузи саналади. Унинг елкасига бу йили жуда катта масъулият ташланиши турган гап. Франциянинг ички турнирларидаги муваффақиятлар "Олтин тўп"га етарли бўлмайди. Бу учун Мбаппе жаҳоннинг энг катта ареналарида ўзини кўрсатиши лозим. У бунга қодир эканига аллақачон гувоҳ бўлганмиз.
У нима қилиши керак?: ЕЧЛ ёки Евро-2024 даги муваффақият. Ҳар иккаласини ютиш эса ғолибликни кафолатлайди.
Муҳаммад Салоҳ
Салоҳнинг "Ливерпул"да эришган нарсаларига қараб айтиш мумкинки, у "Олтин тўп"ни олган тарихдаги иккинчи африкалик бўлишга тўлиқ лойиқ. Биринчиси 1995 йилда Жорж Веага насиб этганди. Афсуски, Салоҳга омад кулиб боқмади. Негаки, унинг олдида Бензема, Месси ва Модрич каби йирик номлар бор эди. Ҳозир Месси ва Роналду Европада эмас. Аммо Салоҳ ҳам ЕЧЛда иштирок этмаяпти. Камига Африка Миллатлар кубоги у учун якунига етди.
У нима қилиши керак?: тузалиб, Миср терма жамоасини чемпион қилиши ва АПЛда ғалаба қозониб, турнир "Олтин бутса"сига ҳам эга чиқиши керак.
Эрлинг Холанд
Холанд, аслини олганда, "Олтин тўп"ни ютиш учун бир футболчи қилиши керак бўлган ҳамма ишни бажарди. У ўтган мавсумда жами 52 та голга муаллифлик қилган эди. Афсуски, Месси ҳам жаҳон чемпионатида зафар қучди. Оқибатда, норвегиялик требл билан ҳам совриндан қуруқ қолди.
У нима қилиши керак?: ЕЧЛ ва АПЛни қайтадан ютиб олиши керак.
Лионель Месси
Мессининг саккизинчи "Олтин тўп"и сўнггиси бўлди деб ўйлаётганлар хато қилади. Нега? Чунки 2021 йилги "Олтин тўп" Мессига Копа Американи ютгани учун тақдим этилган. Бу ёзда ҳам Копа Америка бизни кутиб турибди. Демак, Мессида яна имкон пайдо бўлади. МЛСдаги муваффақиятлар "Олтин тўпга эришишга етарли бўлмайди.
У нима қилиши керак?: Копа Американи ютиши ва овозлар тенг тақсимланишини кутиш.
Криштиану Роналду
Роналду охирги марта бундан етти йил олдин сўнгги бор "Олтин тўп"ни қўлга киритганди. Шундай экан, у яна ҳаракат қилиб кўради. Афсуски, Саудия лигасидаги 100 та гол ҳам Роналдуга ёрдам бера олмайди. Аммо Португалиянинг Евро-2024 даги муваффақияти умид учқунини келтириб чиқаради. Португалия Англия ва Францияга рақобат таклиф этиши кутилмоқда.
У нима қилиши керак?: Евро-2024ни ютиши ва бошқа рақибларининг Копа Америка, ЕЧЛ ва Евродаги омадсизлигига умид қилиши керак.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
