Кеча бўлиб ўтган Европа лигаси ва Конференциялар лигаси қуръаси пайтида УЕФА мавсум-2024/2025дан бошлаб янги форматда ўтказиладиган мусобақалар ҳақида қисқача маълумот бериб ўтди. Келинг, янги форматга тўхталиб ўтамиз ва уларга кўз-қулоқларимизни ўргатиб борамиз.
1. Ҳар учала мусобақа — Чемпионлар лигаси, Европа лигаси ва Конференциялар лигаси гуруҳ босқичида 36 тадан жамоа иштирок этади. Улар БИТТА ГУРУҲда иштирок этади. УЕФА бу босқични АСОСИЙ БОСҚИЧ дея атамоқда.
2. Ҳар бир жамоа гуруҳда:
а) Чемпионлар лигаси ва Европа лигасида — 8та;
b) Конференциялар лигасида 6 тадан ўйин ўтказади.
3. Рақиблар номи қуръа ёрдамида аниқланади. Қуръада эса жамоалар УЕФА рейтинги асосида:
а) Чемпионлар лигаси ва Европа лигасида — 4та;
b) Конференциялар лигасида 3 та саватга ажратилади.
4. Ҳар бир жамоа ҳар бир саватдаги 2та жамоа билан ўйинларда иштирок этади, жумладан, ўзи жойлашган саватдагилар билан ҳам.
5. Жамоа бир саватдаги рақиблардан бирини ўз уйида қабул қилса, иккинчисининг майдонига меҳмонга боради. Шу тариқа, ҳар бир клуб уйда 4та, сафарда 4 та ўйин ўтказади. Жамоа бир рақиб билан фақат бир марта тўқнаш келади.
6. Асосий босқич қуйидаги муддатда ўтказилади:
а) Чемпионлар лигаси ва Европа лигасида — сентябрь-январь;
b) Конференциялар лигасида — сентябрь-декабрь.
7. Ўйинлар ҳафтанинг қуйидаги кунлари ўтказилади:
а) Чемпионлар лигаси — сешанба ва чоршанба;
b) Европа лигаси ва Конференциялар лигасида — пайшанба.
8. Яна шундай ҳафталарда ўйин ўтказиладики, ўша ҳафтада фақат ЕЧЛ, бошқа ҳафтада эса фақат Европа лигаси ва Конференциялар лигаси ўйинлари ташкил этилади.
9. Гуруҳ босқичи якунида дастлабки 8 та (1-8-ўринлар) клуб тўғридан-тўғри нимчорак финал босқичига чиқса, охирги 12 та (25-36-ўринлар) клуб учун еврокубоклар мавсуми якунланади.
10. Орадаги 16 та (9-24-ўринлар) клуб дастлаб 1/16 финал босқичида ўзаро тўқнаш келади. Иккита ўйин натижасига кўра ғолиб чиққан жамоалар 1/8 финалда юқоридаги 8 жамоа билан тўқнаш келади.
11. Нимчорак финал босқичдан бошлаб турнирлар классик форматда давом этади: 1/8 финал, 1/4 финал, 1/2 финал ва финал. Финал битта ўйиндан иборат бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
