Kecha bo‘lib o‘tgan Yevropa ligasi va Konferensiyalar ligasi qur’asi paytida UYEFA mavsum-2024/2025dan boshlab yangi formatda o‘tkaziladigan musobaqalar haqida qisqacha ma’lumot berib o‘tdi. Keling, yangi formatga to‘xtalib o‘tamiz va ularga ko‘z-quloqlarimizni o‘rgatib boramiz.
1. Har uchala musobaqa — Chempionlar ligasi, Yevropa ligasi va Konferensiyalar ligasi guruh bosqichida 36 tadan jamoa ishtirok etadi. Ular BITTA GURUHda ishtirok etadi. UYEFA bu bosqichni ASOSIY BOSQICH deya atamoqda.
2. Har bir jamoa guruhda:
a) Chempionlar ligasi va Yevropa ligasida — 8ta;
b) Konferensiyalar ligasida 6 tadan o‘yin o‘tkazadi.
3. Raqiblar nomi qur’a yordamida aniqlanadi. Qur’ada esa jamoalar UYEFA reytingi asosida:
a) Chempionlar ligasi va Yevropa ligasida — 4ta;
b) Konferensiyalar ligasida 3 ta savatga ajratiladi.
4. Har bir jamoa har bir savatdagi 2ta jamoa bilan o‘yinlarda ishtirok etadi, jumladan, o‘zi joylashgan savatdagilar bilan ham.
5. Jamoa bir savatdagi raqiblardan birini o‘z uyida qabul qilsa, ikkinchisining maydoniga mehmonga boradi. Shu tariqa, har bir klub uyda 4ta, safarda 4 ta o‘yin o‘tkazadi. Jamoa bir raqib bilan faqat bir marta to‘qnash keladi.
6. Asosiy bosqich quyidagi muddatda o‘tkaziladi:
a) Chempionlar ligasi va Yevropa ligasida — sentyabr-yanvar;
b) Konferensiyalar ligasida — sentyabr-dekabr.
7. O‘yinlar haftaning quyidagi kunlari o‘tkaziladi:
a) Chempionlar ligasi — seshanba va chorshanba;
b) Yevropa ligasi va Konferensiyalar ligasida — payshanba.
8. Yana shunday haftalarda o‘yin o‘tkaziladiki, o‘sha haftada faqat YECHL, boshqa haftada esa faqat Yevropa ligasi va Konferensiyalar ligasi o‘yinlari tashkil etiladi.
9. Guruh bosqichi yakunida dastlabki 8 ta (1-8-o‘rinlar) klub to‘g‘ridan-to‘g‘ri nimchorak final bosqichiga chiqsa, oxirgi 12 ta (25-36-o‘rinlar) klub uchun yevrokuboklar mavsumi yakunlanadi.
10. Oradagi 16 ta (9-24-o‘rinlar) klub dastlab 1/16 final bosqichida o‘zaro to‘qnash keladi. Ikkita o‘yin natijasiga ko‘ra g‘olib chiqqan jamoalar 1/8 finalda yuqoridagi 8 jamoa bilan to‘qnash keladi.
11. Nimchorak final bosqichdan boshlab turnirlar klassik formatda davom etadi: 1/8 final, 1/4 final, 1/2 final va final. Final bitta o‘yindan iborat bo‘ladi.
OKMK
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
