Бокс. Бугун Италияда чорак ва ярим финал баҳслари бўлиб ўтади
Италияда бўлиб ўтаётган бокс бўйича Париж-2024 йўлланмаси учун лизенцион турнирда бугун чорак ва ярим финал баҳслари бўлиб ўтади.
Эътиборлиси шундаки, бугун 7 нафар боксчимиз рингга кўтарилишади ва улар томонидан ҳар бир қозонилган ғалаба, вакилларимиз учун “Париж-2024” Олимпиада ўйинлари йўлланмасини тақдим этади.
Дастлаб илк баҳсни -63,5 кг вазнда Руслан Абдуллаев сербиялик Алексей Сендрикга қарши ўтказади. Жанг Тошкент вақти билан 17:00 да старт олади.
Лазизбек Мулложонов ҳам чорак финалда рингга кўтарилади. Унга бу сафар грузиялик Георги Кушиташвили рақиблик қилади. Баҳс тахминан 17:30 да бошланади.
-66 кг вазндаги боксчимиз Навбаҳор Ҳамидова ҳам ярим финал остонасида Доминикан Республикаси боксчиси Мария Моронта Эрнандес билан баҳс олиб боради. Ушбу жангнинг бошланиш вақти эса 19:00.
Азиза Зокирова ҳам Олимпиада ўйинлари йўлланмаси учун, чорак финал баҳсида Буюк Британия вакиласи Чантелле Реидни мағлубиятга учратиши керак бўлади. Беллашувнинг тахминий бошланиш вақти 19:45 га тўғри келади.
Ушбу турнирда ғалабали одимлаётган -50 кг вазндаги боксчимиз Сабина Бобоқулова ҳам бугун рингга кўтарилади. Унинг бу сафарги рақиби япониялик Ринка Киношита. Баҳс Тошкент вақти билан 23:15 да бошланади.
Куни кеча ўз баҳсини ўтказган Асадхўжа Мўйдинхўжаев, бугун чорак финал жангида рингга чиқади. Унинг -71 кг вазндаги рақиби — иорданиялик Зеяд Эашаш. Ушбу жангнинг бошланиш вақти: 01:15.
-80 кг вазнда Олимпиада йўлланмаси учун сўнги босқичга етиб келган, ёш иқтидорли боксчимиз Тўрабек Ҳабибуллаев колумбиялик Хуан Ортиз билан баҳс олиб боради. Ушбу жанг ҳам Б рингда Асадхўжанинг баҳси билан бир хил вақтда старт олади. 1:15.
-63,5 кг. Руслан Абдуллаев — Алексей Сендрик (Сербия) — 17:00.
-92 кг. Лазизбек Мулложонов - Георги Кушиташвили (Грузия) — 17:30.
-66 кг. Навбаҳор Ҳамидова - Мария Моронта Эрнандес (Доминикан Республикаси) — 19:00.
-75 кг. Азиза Зокирова - Чантелле Реид (Буюк Британия) — 19:45.
-50 кг. Сабина Бобоқулова - Ринка Киношита (Япония) — 23:15.
- 71 кг. Асадхўжа Мўйдинхўжаев - Зеяд Эашаш (Иордания) — 01:15.
-80 кг. Тўрабек Ҳабибуллаев - Хуан Ортис (Колумбия) — 01:15.
Манба: https://t.me/boxinguzbekistan
Киритилди: 09:39, 11.03.2024. Ўқилди: 2198 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
