Пиоли бошчилигидаги "Милан" бу мавсумда жуда яхши ўйин кўрсатмоқда. Янги трансферлар ўзини оқлади: Жамоа А серияда урилган голлар бўйича 2-ўрин ва еврокубокларда 17 голга эга. Леау-Жиру-Пулишич триоси муваффақиятли натижа бермоқда.
Бу ёзда эркин агент сифатида жамоа ҳужумчиси Оливье Жиру "Лос-Анжелес"га кўчиб ўтиши энди сир эмас. Энди жамоа ҳужумчилари орасида жуда ёш Франческо Камарда ва объектив заиф Лука Йович бор.
Камарда ажойиб тўпурарнинг барча имкониятларига эга (бўйи 184 см, иккала оёғи ҳам тўп билан бирдек ҳаракатда бўлади, етакчилик фазилатлари ҳам бор), лекин у жуда ёш. Йович ўринбосар сифатида яхши, лекин асосий масъулиятни ўз бўйнига ола олмайди. Шунинг учун "Милан"га юқори сифатли ҳужумчи керак.
Артём Довбик - "Жирона"
Украиналик Артём Довбик эндигина лигада дебют қилди ва у аллақачон кўплаб клубларда қизиқиш уйғотмоқда. Довбик Испанияда учинчи энг яхши тўпурар; у бўйи 190 сантиметр бўлган чап оёқли ҳужумчи ва объектив равишда паст нархга эга.
Артём пеналтиларни аъло даражада бажаради, Ла Лигадаги учта пенальти имкониятидан учтасини ҳам урган.
Украиналик ўзининг баланд бўйи билан рақиб марказий ҳимоячиларидан устунлик қилади. У Блинд ва Алекс Гарсия каби ўйинчиларнинг узатмаларидан фойдаланиш бўйича юқори кўникмага эга. Довбикнинг тўп назоратидаги иштироки чекланган, аммо бу унинг қобилиятсизлиги билан боғлиқ эмас.
Аксинча, у тўпга тегинишда анча самарали ва тўпни моҳирона ушлаб олади. Унинг статистикаси шуни кўрсатадики, Довбикнинг энг кучли устунлиги, шубҳасиз, унинг гол уриш инстинктидир, лекин ундан ҳам қизиқроқи, унинг жарима майдончасида яхши ишлашидир. Довбик рақиб жарима майдончасида тўп учун курашда ўзини яхши кўрсатмоқда.
Умуман олганда, Довбик - "Милан" учун ажойиб вариант, чунки у ҳақиқатан ҳам жамоасига гол олиб келади.
Аммо украиналик футболчи Ла Лигада еттита ўйиндан иборат голсиз серияга эга. Бундан ташқари, унинг учун "Атлетико Мадрид", "Ювентус", "Арсенал" ва бошқа клублар жиддий курашга киришган.
Виктор Дьёкереш - "Спортинг"
Довбик сингари, Дьёкереш ҳам яқинда ҳозирги клубига кўчиб ўтган ва у ерда порламоқда. “Спортинг” шведни “Ковентри Сити”дан 21 миллионга сотиб олди. Ҳозир унинг нархи 50 миллион евродан ошади ва унинг фамилияси ҳамманинг оғзида.
Бу мавсумда Виктор Португалия чемпионатида ўртача 8,0 баллга эга. Ҳатто классик ҳужумчи сифатида ўйнаган Дьёкереш лигада 10 та голли узатмани амалга оширди. 24 та ўйинда кутилган 20 та голли ҳаракатдан 32 балл ишлаб олди. Жорий мавсумда у 6/7 пенальти кўрсаткичига эга. Аморим унга босим остида тўғри ҳаракат қилиш ва тўғри позицияларни танлаб тўп учун тўғри курашиш қобилиятини ҳам сингдирди.
Ҳужумчига жой бериш учун бир ёки иккита ҳимоячини ўзига тортиб, зонани оча олади. Қисқа масофада қанотдан Виктор шеригига аниқ тўп узатишлари учун ёлғон югуришни амалга оширади.
Шунингдек, Дьёкереш ўзини ҳақиқий овчи каби тутади. У том маънода гол овлайди ва гол уриш учун ҳамма нарсани қилади ва шу билан бирга у 1 та голга тўймайди, балки тинимсиз курашади - бу натижа учун ўйнайдиган жамоа ҳужумчиси учун ажойиб фазилатдир. Ҳар қандай позициядан, ҳар қандай оёқдан у ўз мақсадига эриша олади.
Тўғри, сиз Дьёкереш учун кўп пул сарфлашингиз керак бўлади, аммо харажат оқланади.
Серху Гирасси - "Штутгарт"
Рўйхатимизнинг энг кекса аъзоси - Серху Гирасси. Серхуга гол уриш учун ўртача 68 дақиқа кифоя қилади. Бошқалар билан солиштирганда, Гирасси тўп ва позиция учун курашда энг зўр. Серху жуда вазмин, масалан, у ҳеч қачон пенальтини голга айлантиролмай қолмаган, шунингдек, "Штутгарт"да етакчилик фазилатларини ҳам яхши бажара олади.
Бироқ, унга бир савол бор. Бу Гирассининг катталар фаолиятидаги ўнинчи мавсуми ва унинг эндигина борлигини ҳис қилдик. Шу вақтгача у қаерда эди? Унинг “Штутгарт”га келгунига қадар энг яхши натижаси 2020-йилда “Ренн”да урган 10 та голи эди. Умуман олганда, у 27 ёшида биринчи марта чемпионатда 10 дан ортиқ гол урди. "Кьёлн"да 3 мавсум, "Амьен"да тўлиқ бўлмаган 3 мавсум бу жамоаларда етакчи бўла олмади.
Аммо сиз бунга кўзингизни юмишингиз мумкин. Эҳтимол, Варди ёки Дрогба каби кеч уйғонгандир. Аммо у қуйидаги статистика билан мақтана олади: кутилгандан 8 та кўп гол урди, ҳар бир ўйинга ўртача 1,1 гол.
Гирасси шунчаки рақиб дарвозасига тўп киритишни биладиган оддий футболчи эмас. Серху ўз жамоаси ҳужумларини шакллантиришда иштирок этиб, прессингдан югуришни билади.
Гирасси - иқтисодий сабабларга кўра "Милан" учун ажойиб вариант. Гап шундаки, бу ёз Гирассининг трансферида компенсация учун сотиб олиш шарти "очилади". Жами 17 млн тўланса, кифоя.
Шунга қарамай, жамоа Дьёкерешни сотиб олишга мойилроқ. Агар сиз унинг нархига кўзингизни юмсангиз, "Милан" ва Дьёкереш анча узоққа боради ва А Серия чемпионлиги учун кураша олади. Довбик ва Гирасси хавфлироқ вариант, аммо уларда ҳали ҳам ўсишга имкон бор. Сиз нима деб ўйлайсиз?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
