Pioli boshchiligidagi "Milan" bu mavsumda juda yaxshi o‘yin ko‘rsatmoqda. Yangi transferlar o‘zini oqladi: Jamoa A seriyada urilgan gollar bo‘yicha 2-o‘rin va yevrokuboklarda 17 golga ega. Leau-Jiru-Pulishich triosi muvaffaqiyatli natija bermoqda.
Bu yozda erkin agent sifatida jamoa hujumchisi Olivye Jiru "Los-Anjeles"ga ko‘chib o‘tishi endi sir emas. Endi jamoa hujumchilari orasida juda yosh Franchesko Kamarda va ob’ektiv zaif Luka Yovich bor.
Kamarda ajoyib to‘purarning barcha imkoniyatlariga ega (bo‘yi 184 sm, ikkala oyog‘i ham to‘p bilan birdek harakatda bo‘ladi, yetakchilik fazilatlari ham bor), lekin u juda yosh. Yovich o‘rinbosar sifatida yaxshi, lekin asosiy mas’uliyatni o‘z bo‘yniga ola olmaydi. Shuning uchun "Milan"ga yuqori sifatli hujumchi kerak.
Artyom Dovbik - "Jirona"
Ukrainalik Artyom Dovbik endigina ligada debyut qildi va u allaqachon ko‘plab klublarda qiziqish uyg‘otmoqda. Dovbik Ispaniyada uchinchi eng yaxshi to‘purar; u bo‘yi 190 santimetr bo‘lgan chap oyoqli hujumchi va ob’ektiv ravishda past narxga ega.
Artyom penaltilarni a’lo darajada bajaradi, La Ligadagi uchta penalti imkoniyatidan uchtasini ham urgan.
Ukrainalik o‘zining baland bo‘yi bilan raqib markaziy himoyachilaridan ustunlik qiladi. U Blind va Aleks Garsiya kabi o‘yinchilarning uzatmalaridan foydalanish bo‘yicha yuqori ko‘nikmaga ega. Dovbikning to‘p nazoratidagi ishtiroki cheklangan, ammo bu uning qobiliyatsizligi bilan bog‘liq emas.
Aksincha, u to‘pga teginishda ancha samarali va to‘pni mohirona ushlab oladi. Uning statistikasi shuni ko‘rsatadiki, Dovbikning eng kuchli ustunligi, shubhasiz, uning gol urish instinktidir, lekin undan ham qiziqroqi, uning jarima maydonchasida yaxshi ishlashidir. Dovbik raqib jarima maydonchasida to‘p uchun kurashda o‘zini yaxshi ko‘rsatmoqda.
Umuman olganda, Dovbik - "Milan" uchun ajoyib variant, chunki u haqiqatan ham jamoasiga gol olib keladi.
Ammo ukrainalik futbolchi La Ligada yettita o‘yindan iborat golsiz seriyaga ega. Bundan tashqari, uning uchun "Atletiko Madrid", "Yuventus", "Arsenal" va boshqa klublar jiddiy kurashga kirishgan.
Viktor Dyokeresh - "Sporting"
Dovbik singari, Dyokeresh ham yaqinda hozirgi klubiga ko‘chib o‘tgan va u yerda porlamoqda. “Sporting” shvedni “Koventri Siti”dan 21 millionga sotib oldi. Hozir uning narxi 50 million yevrodan oshadi va uning familiyasi hammaning og‘zida.
Bu mavsumda Viktor Portugaliya chempionatida o‘rtacha 8,0 ballga ega. Hatto klassik hujumchi sifatida o‘ynagan Dyokeresh ligada 10 ta golli uzatmani amalga oshirdi. 24 ta o‘yinda kutilgan 20 ta golli harakatdan 32 ball ishlab oldi. Joriy mavsumda u 6/7 penalti ko‘rsatkichiga ega. Amorim unga bosim ostida to‘g‘ri harakat qilish va to‘g‘ri pozisiyalarni tanlab to‘p uchun to‘g‘ri kurashish qobiliyatini ham singdirdi.
Hujumchiga joy berish uchun bir yoki ikkita himoyachini o‘ziga tortib, zonani ocha oladi. Qisqa masofada qanotdan Viktor sherigiga aniq to‘p uzatishlari uchun yolg‘on yugurishni amalga oshiradi.
Shuningdek, Dyokeresh o‘zini haqiqiy ovchi kabi tutadi. U tom ma’noda gol ovlaydi va gol urish uchun hamma narsani qiladi va shu bilan birga u 1 ta golga to‘ymaydi, balki tinimsiz kurashadi - bu natija uchun o‘ynaydigan jamoa hujumchisi uchun ajoyib fazilatdir. Har qanday pozisiyadan, har qanday oyoqdan u o‘z maqsadiga erisha oladi.
To‘g‘ri, siz Dyokeresh uchun ko‘p pul sarflashingiz kerak bo‘ladi, ammo xarajat oqlanadi.
Serxu Girassi - "Shtutgart"
Ro‘yxatimizning eng keksa a’zosi - Serxu Girassi. Serxuga gol urish uchun o‘rtacha 68 daqiqa kifoya qiladi. Boshqalar bilan solishtirganda, Girassi to‘p va pozisiya uchun kurashda eng zo‘r. Serxu juda vazmin, masalan, u hech qachon penaltini golga aylantirolmay qolmagan, shuningdek, "Shtutgart"da yetakchilik fazilatlarini ham yaxshi bajara oladi.
Biroq, unga bir savol bor. Bu Girassining kattalar faoliyatidagi o‘ninchi mavsumi va uning endigina borligini his qildik. Shu vaqtgacha u qayerda edi? Uning “Shtutgart”ga kelguniga qadar eng yaxshi natijasi 2020-yilda “Renn”da urgan 10 ta goli edi. Umuman olganda, u 27 yoshida birinchi marta chempionatda 10 dan ortiq gol urdi. "Kyoln"da 3 mavsum, "Amyen"da to‘liq bo‘lmagan 3 mavsum bu jamoalarda yetakchi bo‘la olmadi.
Ammo siz bunga ko‘zingizni yumishingiz mumkin. Ehtimol, Vardi yoki Drogba kabi kech uyg‘ongandir. Ammo u quyidagi statistika bilan maqtana oladi: kutilgandan 8 ta ko‘p gol urdi, har bir o‘yinga o‘rtacha 1,1 gol.
Girassi shunchaki raqib darvozasiga to‘p kiritishni biladigan oddiy futbolchi emas. Serxu o‘z jamoasi hujumlarini shakllantirishda ishtirok etib, pressingdan yugurishni biladi.
Girassi - iqtisodiy sabablarga ko‘ra "Milan" uchun ajoyib variant. Gap shundaki, bu yoz Girassining transferida kompensasiya uchun sotib olish sharti "ochiladi". Jami 17 mln to‘lansa, kifoya.
Shunga qaramay, jamoa Dyokereshni sotib olishga moyilroq. Agar siz uning narxiga ko‘zingizni yumsangiz, "Milan" va Dyokeresh ancha uzoqqa boradi va A Seriya chempionligi uchun kurasha oladi. Dovbik va Girassi xavfliroq variant, ammo ularda hali ham o‘sishga imkon bor. Siz nima deb o‘ylaysiz?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
