"Барселона" бош мураббийи Хави Эрнандес янги юлдузларни сотиб олса, клубда қолиши мумкин.
Мураббий аллақачон мавсум якунида ўз лавозимини тарк этишини маълум қилганди.
Журналист Фернандо Полонинг сўзларига кўра, мутахассис ҳали ҳам қолиш ниятида эмас, аммо клуб унинг трансфер борасидаги амбицияли талабларини қондирса, фикрини ўзгартириши мумкин.
Хави ўз жамоасида Йозуа Киммих («Бавария») ва Мартин Субименди («Реал Сосьедад») каби юқори даражадаги футболчиларни кўришни хоҳлайди.
Бундан ташқари, испаниялик мураббий Бернарду Силва («Манчестер Сити») билан ишлашни истайди.
"Барселона" президенти Жоан Лапорта юқори даражадаги харидлар Хавини клубда сақлаб қолиш учун калит бўлиши мумкинлигини тушунади, шунинг учун у мураббийнинг талабларини маъқуллашга тайёр.
Каталония гранди раҳбари юқорида тилга олинган ярим ҳимоячилардан ташқари Роберт Левандовски ўрнига Эрлинг Холандни («Манчестер Сити») таклиф этишни узоқ муддатли мақсад деб ҳисобламоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).