Дарвозабон: Андрей Лунин
"Реал" билан шартномаси тугашига бир йил вақт қолар экан, украиналик посбон "Арсенал" томонидан қизиқишларга сабаб бўла бошлади. Ҳозирда 25 ёшли футболчининг спорт формаси ажойиб. Шу сабаб, "қироллик клуби" у билан янги битим тузишни ўйлай бошлади. Лунин яқин давр ичида асосий таркибга юз фоиз муносиб эканини исботлай олди.
Марказий ҳимоячи: Лени Йоро
Йорога "Челси" ҳамда "Реал" жиддий қизиқиш билдирмоқда. 18 ёшли футболчи ёзда ўз жамоасини ўзгартиришга яқин турибди. "Лилль" юлдузининг бу мавсумда кўрсатган ўйини фантастик даражага чиқди. Шу сабабдан унинг нархи космик тезликда ўсиб, 40 миллион еврога етди. Унга эришган клуб, келажакка яхши сармоя киритган бўларди.
Марказий ҳимоячи: ван Дейк
Виржилнинг "Ливерпуль" билан охирги марта шартномани янгилаши 2021 йилга тўғри келади. Ўшанда у жамоадаги энг кўп маошга эга футболчига айланганди. Юрген Клоппнинг кетиши, нидерландияликнинг кейинги тақдирига таъсир этиши мумкин. Ҳозирча эса янги шартнома борасида ҳеч қандай гап-сўз мавжуд эмас.
Ўнг қанот ҳимоячиси: Александер-Арнольд
"Реал" инглиз футболчисига жиддий қизиқиш билдираётгани айтилган. Перес Трентни Карвахал ўрнига муносиб номзод сифатида кўради. Аммо бу шартномага эришиш осон эмас. Биринчидан "Ливерпуль" 25 ёшли футболчи учун 100 миллион евро сўрайди. Аммо бу нарх бой бўлган "Реал"ни ҳам ўйлантириб қўйиши аниқ.
Чап қанот ҳимоячиси: Алфонсо Девис
Девис ўтган мавсум олдидан янги шартномага имзо чекишга яқин эди. Аммо "Бавария" раҳбариятидаги ўзгаришлар бунга йўл қўймади. Оқибатда, мана, канадалик юлдуз бир йилдан кейин эркин агентга айланадиган бўлиб турибди. 23 ёшли ҳимоячи учун биринчи навбатда даъвогар бўладиган клуб бу, албатта "Реал" бўлади.
Ярим ҳимоячи: Йозуа Киммих
"Бавария" билан янги битим борасида келишувга бориш осон бўлмади. Шу сабабли, Киммих кетиши мумкин. Унга Манчестер шаҳрининг ҳар икки жамоаси қизиқиш билдирган. Шунингдек, "Барселона" ҳам немис футболчисига кўз тикиб турибди.
Ярим ҳимоячи: Конор Галлахер
Почеттино Галлахерни "Челси"да сақлаб қолишни истайди. Аммо молиявий фейр плей қоидалари клубни, уни сотишга мажбур қилиши мумкин. Галлахер учун "Тоттенхэм" қизиқиш билан қарамоқда. 23 ёшли ярим ҳимоячининг нархи 50 миллион фунт атрофида бўлади.
Ярим ҳимоячи: Кевин Де Брюйне
Бельгия терма жамоаси аъзоси АПЛнинг энг яхшиларидан бири саналади. Афсуски, жароҳатлар ва ёш билан боғлиқ муаммолар Де Брюйне ўйинига таъсир қилмоқда. Шу сабабли, "Манчестер Сити" ҳам уни 2025 йилдан уёғига жамоада олиб қолмаслиги мумкин. Гвардиола жамоаси ҳеч қачон кетмоқчи бўлган футболчиларнинг йўлини тўсмаган. Шу сабабли маестронинг кейинги манзили Саудия бўлади.
Вингер: Муҳаммад Салоҳ
"Ливерпуль" келаётган ёзнинг ўзида Клопп ва Салоҳдан айрилиши мумкин. Ҳа, бу мухлислар учун оғир бўлади. Аммо 30 ёшдан ошган мисрликка араблардан яхшигина таклифлар бўлмоқда. Агарда Салоҳнинг клубдаги энг катта маошга эга футболчи эганини ҳисобга олсак, уни сотиш "Ливерпул"га катта фойда келтиради.
Вингер: Лерой Сане
Сане ўтган йил охирида Мюнхен клуби билан янги келишувга эришиши мумкин эди. Аммо айрим воқеалар бу ишни кечиктирди. Ҳозир эса немис ҳужумчиси Евро-2024 гача кутишни афзал кўрмоқда. У пайтда эса Саненинг шартномасида 1 йиллик муддат қолган бўлади. Айни дамда унга "Ливерпуль" ва "Манчестер Сити"дан қизиқишлар мавжуд.
Ҳужумчи: Жонатан Девид
Девид "Лилл"да бир неча йил давомида юқори даражада ҳаракат қилиб келмоқда. Унинг шартномаси 2025 йилда тугайди ва у пайтгача канадаликка қатор даъвогарлар бўлади. 24 ёшли ҳужумчи хизмати учун АПЛнинг "Арсенал", "Челси", "МЮ" ва "Тоттенхэм" клублари қизиқиш билдирган.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
