Англия матбуотида Антони Марсьяль ҳақида материал чоп этилди, унда у ҳозирги "Манчестер Юнайтед" тимсоли эканлиги айтилган. Баъзида ишлар яхши бўлади, баъзан унчалик эмас. "Манчестер Юнайтед"да ҳам шундай: баъзи ҳолларда жамоа ақл бовар қилмайдиган уринишлар билан ғалаба қозонади, бошқаларида эса энг сўнгги ўриндаги жамоага ҳам ютқазиб қўйиши мумкин. Аммо бу эртами-кечми тугаши керак.
Марсьяль ҳеч қачон катта юлдуз бўлмаган, лекин одамлар доимо у ҳақида гапиришган. Ҳаммаси 2014/15 йилги мавсумдан сўнг бошланди, у Лига 1да "Монако" сафида 9 та гол урди. Ҳужумчи учун одатий кўрсаткич ва энг юқори кўрсаткичдан йироқ. Аммо ўшанда у 19 ёшда эди. Французлар ўз ватандошидан ҳайратда қолиб, уни "янги Анри" деб аташди.
"Манчестер Юнайтед" кўп гапирилаётган ўйинчилар билан шартнома имзолашни яхши кўради. У ҳақиқатан ҳам жамоага мос келадими, бу иккинчи даражали савол. 2015 йилнинг ёзида манкунианликлар Марсиял учун 60 миллион евро тўлаганларида, ҳатто Франциядагилар ҳам ҳайрон қолгандир. Монаколиклар битта оддий мавсумни ўтказган футболчини яхши нархга пуллаганидан хурсанд эди. Бироқ дастлаб бу трансфер ўзини оқлаши мумкиндек туюлди.
Француз умидли футболчи ҳисобланарди ва биринчи мавсумидаёқ у Премьер-лигада 11 та гол урди ва 5 та голли узатмани амалга оширди.
"Юнайтед" Марсьяль билан Луи ван Галнинг илтимосига кўра шартнома имзолади. Футболчи ва мураббий ўртасида ҳаммаси яхши эди, лекин улар фақат бир мавсумни бирга ўтказишди, шундан сўнг Жозе Моуриньо клубга келди. Бу футболчи учун ёмон хабар бўлди. Француз ва португал ўртасида кескинлик кучайди. Жозе ўз таркибидан кўпроқ нарсани талаб қилди ва матбуот анжуманларида уни танқид қилишдан тортинмади. Шу вақтда "Манчестер Юнайтед" Златан Ибрагимович билан шартнома имзолади.
Моуриньо қўл остидаги биринчи мавсумда форвард АПЛда атиги 4 та гол урди. Иккинчи мавсум яхшироқ ўтди. Ҳужумчи ярим мавсумда 9 та гол урди. Бироқ, яхши формада бўлишига қарамай, Марсьяль Алексис Санчес тимсолида яна бир зарбани олди. Француз қанчалик ўйнамасин, улар унга ишонмасликларини ҳар томонлама тушунтиришди.
Балки 2018/19 йилги мавсум ҳужумчи учун "Манчестер Юнайтед"даги охиргиси бўлиши мумкин эди, аммо омад кулиб боқдики, манкунианликлар Моуриньони ишдан бўшатиб, унинг ўрнига анча хотиржамроқ Оле-Гуннар Сульшерни тайинладилар.
Марсьяль ҳаммасини бошидан бошлаш имкониятига эга бўлди ва ундан фойдаланди. Форвард Премьер-лиганинг 2018/19 йилги мавсумида 10 та гол урган бўлса, кейинги мавсумда 17 та гол урди. Бу ҳужумчи фаолиятидаги энг яхши кўрсаткич бўлди. Аммо муаммо шундаки, у буни ҳеч қачон такрорлай олмади. Марсьяль 2020/21 йилги мавсумда Премьер-лигада атиги 4 та гол урди. Кейин Криштиану Роналду "Манчестер Юнайтед"га қайтди ва француз учун ҳамма нарса жуда ёмон бўлишига ишора эди. 2021/22 йилги мавсумнинг ярмида у Премьер-лигада бор йўғи 8 та ўйин ўтказиб, 1 та гол уришга эришди.
Муаммони икки йўл билан ҳал қилиш мумкин эди. Манкунианликлар юмшоқроқ йўлни танлаб, футболчини ижарага беришди. 2021/22 йилги мавсумнинг иккинчи ярми Марсьяль учун янги даврнинг бошланиши бўлиши керак эди. Франциялик футболчи фаолиятини жонлантириш учун “Севилья”га кўчиб ўтди. Аммо бундан ҳеч нарса чиқмади. Ҳужумчи Испания чемпионатида бор йўғи 9та ўйин ўтказиб, бирорта ҳам гол ура олмади. Ла Лиганинг бешта учрашувида эса умуман таркибга киритилмаган.
Ўтган мавсум давомида у Премьер-лигада атиги 6 та гол урди ва жорий мавсумда деярли майдонга тушмаяпти. Франциялик футболчи охирги марта 2023 йилнинг 9 декабрида майдонга тушган. Ўша учрашувда манкунианликлар ўз майдонида "Борнмут"га йирик ҳисобда мағлуб бўлиб, ўз дарвозаларидан жавобсиз 3 та гол ўтказиб юборишди. Ўша ўйин футболчи учун "Олд Траффорд"даги охиргиси бўлиши ҳам мумкин.
Бир қанча нуфузли манбалар жорий мавсум охирида Марсьяль эркин агент сифатида “Манчестер Юнайтед”ни тарк этиши ҳақида хабар беришди. Клубда футболчи билан шартномани узайтириш имконияти бор, аммо уни фаоллаштиришни ҳеч ким ўз зиммасига олмайди. Яқинда берган интервьюсида Моуриньо “Манчестер Юнайтед”да ҳали ҳам жамоада кўришни истамаган футболчилар борлигини айтди. Шубҳасиз, бу рўйхатдан "Монако"нинг собиқ ҳужумчиси ҳам ўрин олган.
Кўринишидан, Марсьялнинг "Манчестер Юнайтед"даги бутун фаолияти тасодифдир. Мавсумни яхши ўтказиш бахтига муяссар бўлди, шундан сўнг уни дарҳол топ-клубга чақиришди. У ерда у энг қулай дақиқаларда ўзини намоён қилди, шунинг учун улар янада барқарорликни кўриш умидида шартномани узайтирдилар. Аммо буларнинг барчасининг натижаси жуда ачинарли эди. Миш-мишларга кўра, франциялик футболчи аллақачон янги клуб изламоқда. У ҳали 30 ёшга тўлмаган ва агар хоҳласа, фаолиятини қайта бошлаши мумкин. Битта савол: футболчининг ўзи буни хоҳлайдими.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
