Angliya matbuotida Antoni Marsyal haqida material chop etildi, unda u hozirgi "Manchester Yunayted" timsoli ekanligi aytilgan. Ba’zida ishlar yaxshi bo‘ladi, ba’zan unchalik emas. "Manchester Yunayted"da ham shunday: ba’zi hollarda jamoa aql bovar qilmaydigan urinishlar bilan g‘alaba qozonadi, boshqalarida esa eng so‘nggi o‘rindagi jamoaga ham yutqazib qo‘yishi mumkin. Ammo bu ertami-kechmi tugashi kerak.
Marsyal hech qachon katta yulduz bo‘lmagan, lekin odamlar doimo u haqida gapirishgan. Hammasi 2014/15 yilgi mavsumdan so‘ng boshlandi, u Liga 1da "Monako" safida 9 ta gol urdi. Hujumchi uchun odatiy ko‘rsatkich va eng yuqori ko‘rsatkichdan yiroq. Ammo o‘shanda u 19 yoshda edi. Fransuzlar o‘z vatandoshidan hayratda qolib, uni "yangi Anri" deb atashdi.
"Manchester Yunayted" ko‘p gapirilayotgan o‘yinchilar bilan shartnoma imzolashni yaxshi ko‘radi. U haqiqatan ham jamoaga mos keladimi, bu ikkinchi darajali savol. 2015 yilning yozida mankunianliklar Marsiyal uchun 60 million yevro to‘laganlarida, hatto Fransiyadagilar ham hayron qolgandir. Monakoliklar bitta oddiy mavsumni o‘tkazgan futbolchini yaxshi narxga pullaganidan xursand edi. Biroq dastlab bu transfer o‘zini oqlashi mumkindek tuyuldi.
Fransuz umidli futbolchi hisoblanardi va birinchi mavsumidayoq u Premyer-ligada 11 ta gol urdi va 5 ta golli uzatmani amalga oshirdi.
"Yunayted" Marsyal bilan Lui van Galning iltimosiga ko‘ra shartnoma imzoladi. Futbolchi va murabbiy o‘rtasida hammasi yaxshi edi, lekin ular faqat bir mavsumni birga o‘tkazishdi, shundan so‘ng Joze Mourinyo klubga keldi. Bu futbolchi uchun yomon xabar bo‘ldi. Fransuz va portugal o‘rtasida keskinlik kuchaydi. Joze o‘z tarkibidan ko‘proq narsani talab qildi va matbuot anjumanlarida uni tanqid qilishdan tortinmadi. Shu vaqtda "Manchester Yunayted" Zlatan Ibragimovich bilan shartnoma imzoladi.
Mourinyo qo‘l ostidagi birinchi mavsumda forvard APLda atigi 4 ta gol urdi. Ikkinchi mavsum yaxshiroq o‘tdi. Hujumchi yarim mavsumda 9 ta gol urdi. Biroq, yaxshi formada bo‘lishiga qaramay, Marsyal Aleksis Sanches timsolida yana bir zarbani oldi. Fransuz qanchalik o‘ynamasin, ular unga ishonmasliklarini har tomonlama tushuntirishdi.
Balki 2018/19 yilgi mavsum hujumchi uchun "Manchester Yunayted"dagi oxirgisi bo‘lishi mumkin edi, ammo omad kulib boqdiki, mankunianliklar Mourinyoni ishdan bo‘shatib, uning o‘rniga ancha xotirjamroq Ole-Gunnar Sulsherni tayinladilar.
Marsyal hammasini boshidan boshlash imkoniyatiga ega bo‘ldi va undan foydalandi. Forvard Premyer-liganing 2018/19 yilgi mavsumida 10 ta gol urgan bo‘lsa, keyingi mavsumda 17 ta gol urdi. Bu hujumchi faoliyatidagi eng yaxshi ko‘rsatkich bo‘ldi. Ammo muammo shundaki, u buni hech qachon takrorlay olmadi. Marsyal 2020/21 yilgi mavsumda Premyer-ligada atigi 4 ta gol urdi. Keyin Krishtianu Ronaldu "Manchester Yunayted"ga qaytdi va fransuz uchun hamma narsa juda yomon bo‘lishiga ishora edi. 2021/22 yilgi mavsumning yarmida u Premyer-ligada bor yo‘g‘i 8 ta o‘yin o‘tkazib, 1 ta gol urishga erishdi.
Muammoni ikki yo‘l bilan hal qilish mumkin edi. Mankunianliklar yumshoqroq yo‘lni tanlab, futbolchini ijaraga berishdi. 2021/22 yilgi mavsumning ikkinchi yarmi Marsyal uchun yangi davrning boshlanishi bo‘lishi kerak edi. Fransiyalik futbolchi faoliyatini jonlantirish uchun “Sevilya”ga ko‘chib o‘tdi. Ammo bundan hech narsa chiqmadi. Hujumchi Ispaniya chempionatida bor yo‘g‘i 9ta o‘yin o‘tkazib, birorta ham gol ura olmadi. La Liganing beshta uchrashuvida esa umuman tarkibga kiritilmagan.
O‘tgan mavsum davomida u Premyer-ligada atigi 6 ta gol urdi va joriy mavsumda deyarli maydonga tushmayapti. Fransiyalik futbolchi oxirgi marta 2023 yilning 9 dekabrida maydonga tushgan. O‘sha uchrashuvda mankunianliklar o‘z maydonida "Bornmut"ga yirik hisobda mag‘lub bo‘lib, o‘z darvozalaridan javobsiz 3 ta gol o‘tkazib yuborishdi. O‘sha o‘yin futbolchi uchun "Old Trafford"dagi oxirgisi bo‘lishi ham mumkin.
Bir qancha nufuzli manbalar joriy mavsum oxirida Marsyal erkin agent sifatida “Manchester Yunayted”ni tark etishi haqida xabar berishdi. Klubda futbolchi bilan shartnomani uzaytirish imkoniyati bor, ammo uni faollashtirishni hech kim o‘z zimmasiga olmaydi. Yaqinda bergan intervyusida Mourinyo “Manchester Yunayted”da hali ham jamoada ko‘rishni istamagan futbolchilar borligini aytdi. Shubhasiz, bu ro‘yxatdan "Monako"ning sobiq hujumchisi ham o‘rin olgan.
Ko‘rinishidan, Marsyalning "Manchester Yunayted"dagi butun faoliyati tasodifdir. Mavsumni yaxshi o‘tkazish baxtiga muyassar bo‘ldi, shundan so‘ng uni darhol top-klubga chaqirishdi. U yerda u eng qulay daqiqalarda o‘zini namoyon qildi, shuning uchun ular yanada barqarorlikni ko‘rish umidida shartnomani uzaytirdilar. Ammo bularning barchasining natijasi juda achinarli edi. Mish-mishlarga ko‘ra, fransiyalik futbolchi allaqachon yangi klub izlamoqda. U hali 30 yoshga to‘lmagan va agar xohlasa, faoliyatini qayta boshlashi mumkin. Bitta savol: futbolchining o‘zi buni xohlaydimi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
