"ПСЖ" ярим ҳимоячиси Мануэль Угартенинг сўнгги вақтларда "Манчестер Юнайтед"га ўтиши ҳақида кўплаб хабарлар чиқмоқда. Қаҳрамон Асланов ушбу трансфер "қизил иблислар"га нима беришини тушунтирди.
Угартенинг келиши “Манчестер Юнайтед”га қай даражада аҳамиятли тасаввур қилиш ҳам қийин. Жуда муҳим.
Эрик тен Хаг 4-2-4 схемасига ўтганидан буён 5 ўйин ўтказди ва бирор марта ҳам ютқазмади. Ўтган мавсум охирида “Ньюкасл”, “Брайтон” ва “Сити” устидан ғалаба, “Сити” билан Суперкубокда дуранг ва 1-турда “Фулхэм” билан 1:0.
Аслида бу ўта кучли схема бўлиб, “МЮ” учун оптимал эканида эмас, шунчаки, 4-2-4 айни дамдаги камчиликларни яхшироқ ёпади, сал пал бўлсаям, “одамга ўхшаган” жамоага айлантиради. Ҳимоядаги жароҳатлар туфайли, жамоа прессинг қилишда турли зиддиятларга дуч келди – ҳимоячилар юқори блокда ўйнолмаслиги, прессинг эса, тен Хаг футболида муҳимлиги сабабидан, марказда катта бўшлиқлар юзага келди-ки, рақиблар бундан бутун мавсум давомида яхши фойдаланишди. 4-2-4 мана шу муаммога ечим сифатида пайдо бўлганди.
Бу ерда алдамчи тўққизликлар Бруно ва Мактоминей вингерлардан орқароқда ҳаракат қилади ва бу марказда керакли зичликни беради. Тўпни назорат қилишда ҳам марказдаги тўрт футболчи сон жиҳатидан устунликни таъминлайди. Мактоминей ўрнига Маунт ўйнай бошлагач, бу схема янада такомиллашди, прессинг сифати ошди. Ўтган мавсум давомида ҳар ўйинда камида 20 тадан зарба ўтказиб юборган жамоа сўнгги ўйинларда вазиятларни камайтирди.
Лекин масаланинг бошқа томони бор. Расмус Хойлунд захирага ўтириб қолди. Бу мавсумдан Зиркзе ҳам қўшилганини эътиборга олсак, икки ҳужумчининг асосий таркибдан четда қолиши ғалати, бунинг устига, масалан, “Фулхэм” билан ўйинда ҳужумчининг йўқлиги 1-таймда сезилди. Зиркзе чиққачгина ғалаба голи урилди. 4-2-4 ҳимоя ва прессингга ёрдам бераётган бўлса-да, бу ҳужумда муаммолар юзага келтиряпти. Ўз навбатида, Маунт ўрнига Зиркзе чиққач, энди марказида қийинчилик пайдо бўла бошлади, 1-таймда умуман олдинга чиқолмаган “Фулҳэм” бир неча бор хавфли қарши ҳужумлар уюштирди.
Угарте – ҳимояланиш ва тўпсиз ҳаракатланишда катта ҳажмни амалга оширадиган топ футболчи. Аслида ҳамма жамоа ҳам 4-2-4 ўйнашга мажбур эмас, айнан Майну – Каземиро жуфтлигидаги камчиликларни (Майну ёш, Каземиро катта ҳажмдаги вазифаларни бажара олмайди) ёпиш лозим бўлиб қолмоқда. Угарте Майнуга ҳам, Каземирога ҳам идеал жуфтлик бўлиши мумкин.
Биринчидан, Угартенинг икки марказий яримҳимоячидан бири бўлиши майдонга ҳужумчи тушириб ҳам, худди ўша зичликни сақлаб қолиш имконини яратади. Иккинчидан, агар Маунтдан фойдаланган тақдирда ҳам, Угарте ҳам Каземиро, ҳам Майнунинг вазифасини бажариб, 4-1-2-3 га қайтиш имконини бериш мумкин. Эсингизда бўлса, тен Хагнинг илк мавсумида “МЮ” шундай схемада ўйнаган ва Каземиро ягона таянч футболчиси, Маунт ўрнида эса, Эриксен ҳаракат қилганди. Шунда ҳам марказдаги муаммони камайтириш учун ҳужумчи (Вергхост) анча орқароқда ўйнашга мажбур бўлганди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ал-Ғарафа
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
