24 апрель куни «Ўзбекистон» спорт мажмуасида футзал бўйича XVII Ўзбекистон чемпионатининг 3-ўрин учун биринчи ўйини ўтказилди. Унда ярим финал босқичи омадсизлари – «Максам-Чирчиқ» ва «Бунёдкор» жамоалари ўзаро тўқнашишди. Учрашув «Бунёдкор»нинг 5:1 ҳисобидаги ғалабаси билан якунига етди. Жамоалар иштирокидаги иккинчи ўйин 25 апрель куни ўтказилади. Агар унда Тошкент жамоаси ғалаба қозонса, «Бунёдкор» чемпионатнинг бронза медаллари эгасига айланади. Акс ҳолда, жамоалар учинчи ўйинни ўтказишади.
«Бунёдкор» учрашувнинг илк дақиқаларидан ташаббусни ўз қўлига олди ва 10-дақиқага келиб ҳисобни очишга муваффақ бўлди. Ҳисоб очувчи гол жамоа сардори Жасур Содиқов ҳисобига ёзилди. «Максам-Чирчиқ» ўтказиб юборилган голдан ўзига келиб улгурмасидан, 13-дақиқада «Бунёдкор» иккинчи голни уришга улгурди. Тўп стандарт вазиятдан ажойиб тарзда ўйинга киритилганидан сўнг, Жавлон Искандаров жамоадошлари етказиб берган тўпни рақиб дарвозасига тўғрилаб қўйиб, жамоаси муваффақиятини мустаҳкамлади.
Шунга қарамай, «Бунёдкор» икки тўп фарқини танаффусгача сақлаб қола олмади. Биринчи бўлим якунланишига бир неча сониялар қолганида чирчиқликлар сардори Николай Одушев ҳисобдаги фарқни қисқартирди – 1:2.
Иккинчи бўлимда «Максам-Чирчиқ» бор эътиборини ҳужумга қаратди, «Бунёдкор» эса қарши ҳужумлардан фойдаланиб қолишга ҳаракат қилди. Кейинчалик маълум бўлдики, «Бунёдкор» мураббийлар штаби ўзи учун жуда ҳам тўғри қарор қабул қилган экан: учрашув охиригача «Бунёдкор» ўйинчилари рақиб дарвозасини уч бор ишғол қилиб, якунда 5:1 ҳисобида ғалаба қозонишди.
Эслатиб ўтамиз, 25 апрель куни «Бунёдкор» ва «Максам-Чирчиқ» ўртасидаги ўйин якунига етиши билан Ўзбекистон чемпионати финали доирасидаги дастлабки ўйин ўтказилади. 18:00да бошланадиган ўйинда «Локомотив» ва «Ардус» жамоалари ўзаро баҳс олиб боришади.
Футзал бўйича Ўзбекистон чемпионати
3-ўрин учун ўйинлар, дастлабки ўйин
24 апрель, чоршанба
«Максам-Чирчиқ» (Чирчиқ) – «Бунёдкор» (Тошкент) 1:5 (1:2)
Голлар: Николай Одушев (20) – Жасур Содиқов (10), Жавлон Искандаров (13), Бахтиёр Умаров (22), Асомиддин Жалолиддинов (31), Суннат Куралов (31).
PS. Футзал бўйича Ўзбекистон чемпионатининг барча ўйинларига кириш бепул.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
