Бугун Ғузорда воҳамизнинг олий лигадаги икки вакили “Шўртан” ва “Насаф” жамоалари Ўзбекистон кубогининг 1/8 финали жавоб учрашувида майдонга тушишди. Ҳар иккала жамоа мураббийлар бир қанча етакчи ўйинчиларни бугун майдонга туширмади.
Учрашувда кутилмаганда майдонга эгаларининг устунлиги билан бошланди. Гўёки “Шўртан”нинг янги мураббийи жамоага янги қон қўйгандек. Учрашувдаги устунлик биринчи бўлим давомида сезилиб турди. Аммо ҳар иккала жамоада ҳам гол киритишга жуда қўлай вазиятлар содир этилган бўлсада, дарвозалар дахлсизлиги сақлаб қолинди. Айниқса “Шўртан” сафида ҳаракат қилган Ҳумоюн Абдуллаевнинг ҳаракатлари стадионда йиғилган мухлисларда илиқ таасурот қолдирди. Учрашув биринчи бўлимида ҳисоб очилмади – 0:0.
Иккинчи бўлимнинг 62-дақиқасига келиб учрашувдаги ҳисоб очилди. Мезбонлар Зоҳид Абдуллаевга нисбатан ўйин қоидасини бузишди ва ҳакам томонидан "Шўртан" дарвозасига 11-метрлик жарима тўпи белгилганди. 11-метрлик жарима зарбасини Геворкян аниқ амалга оширди ва жамоасини ҳисобда олдинга олиб чиқди - 0:1. Қизиқарли кечган учрашувнинг 78-дақиқасига келиб, меҳмонлар майдонда 10 киши бўлиб қолишди. Ҳакам томонидан иккинчи марта огоҳлантирилган Зоҳид Абдулаев майдондан четлатилди.
Учрашувда дарвозаларга бошқа голлар киритилмади. Шундай қилиб, "Насаф" жамоаси ушбу ўйинда кичик 0:1 ҳисобида ғалаба қозониб, Ўзбекистон кубогининг сорак финалида иштирок этиш ҳуқуқини қўлга киритди.
Ўзбекистон Кубоги-2013. 1/8 финал, жавоб учрашувлари, 17 май, жума
«Шўртан» (Ғузор) – «Насаф» (Қарши) 0:1 (0:0)
Гол: Артур Геворкян (пенальтидан) 62-0:1,
Шўртан: 1. Павел Леус, 4. Жамол Отақулов (Юсуф Бўриев 64), 15. Обид Жўрабоев, 18. Дилявер Абибуллаев (Шаҳзодбек Хурсанов 69), 19. Иброҳим Отахонов, 20. Александр Востриков, 21. Зоҳид Раупов, 22. Олимжон Каримов, 26. Бобур Тўраев, 27. Умарбек Эшмуродов, 29. Ҳумоюн Муртазоев (Феруз Тўйчиев 76).
Заҳирадагилар: 30. Александр Корнейчук, 9. Шукур Жумабоев, 12. Юсуф Бўриев, 14. Азиз Мансуров, 16. Элёр Интизомов, 23. Шахзодбек Хурсанов, 28. Феруз Тўйчиев.
Насаф: 25. Элдорбек Суюнов, 3. Раҳматилла Бердимуродов, 4. Мақсуд Каримов, 8. Мирзакамол Камолов, 15. Зоҳид Абдуллаев, 17. Артур Геворкян (Фаррух Сайфиев 80), 20. Эркин Бойдуллаев, 27. Илҳом Юнусов (Элдор Бойматов 73), 28. Шуҳрат Муҳаммадиев, 32. Ҳамза Каримов, 77. Суҳроб Неъматов (Илҳом Шомуродов 63).
Заҳирадагилар: 1. Михаил Наумов, 5. Ботир Қораев, 14. Лазиз Убайдуллаев, 19. Элдор Бойматов, 9. Илҳом Шомуродов, 34. Фарруҳ Сайфиев, 41. Азамат Алланиязов.
Ҳакамлар: В. Цейтлин (Тошкент), Х. Шодмонов (Бухоро), А. Цапенко (Тошкент вилояти), Ш. Рўзиқулов (Қарши).
Огоҳлантириш: Жамол Отақулов 12, Иброҳим отахонов 17, Мақсуд Каримов 20, Зоҳид Абдуллаев 56,78,
Назоратчи: С. Эрматов (Тошкент).
Четлатиш: Зоҳид Абдуллаев 78.
Дастлабки учрашув: “Насаф”-“Шўртан” 2:0.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
