«Барселона» «Сантос»га Неймарнинг 55 фоизлик трансфер ҳуқуқи учун 20 миллион евро таклиф қилди
Каталониянинг «Барселона» клуби Неймарнинг трансфери учун «Сантос»га янги таклиф жўнатди. Бу ҳақда «El Mundo Deportivo» нашри хабар тарқатмоқда.
Манбанинг маълум қилишича, каталонияликлар Неймарнинг 55 фоизлик трансфер ҳуқуқини 20 миллион еврога баҳолашмоқда. Олдинроқ, «Барселона» раҳбарлари футболчи учун «Сантос» оладиган улушни 14 миллион евро дея баҳолашганди.
Агар «Барселона» «Сантос» билан бу масалани ҳал қилиб олса, футболчининг қолган фоиз трансфер ҳуқуқига ҳам эгалик қилиши осонроқ кечиши мумкин экан.
Эслатиб ўтамиз, Неймарнинг яна 40 фоиз трансфер ҳуқуқи DIS, яна 5 фоизи эса TEISA корхонасига тегишли саналади.
Манба: www.mundodeportivo.com
Киритилди: 16:05, 22.05.2013. Ўқилди: 2559 марта. Фикрлар: 16 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар