Шахмат бўйича Нью Йоркда ўтказилаётган жаҳон чемпионати бош ҳаками Магнусни кийиниш қоидаларини бузган деб ҳисоблаб, уни кийимини алмаштиришга чақирган. Бунга норозилик сифатида собиқ жаҳон чемпиони жорий тезкор (рапид) чемпионатидан чиқиб кетди ва блиц турнирида ҳам қатнашмаслигини маълум қилди.
Магнус журналистларга шундай изоҳ берди:
«Мен эртага кийимимни алмаштиришимни айтдим... лекин улар ҳозироқ алмаштиришингиз керак, дейишди. Бу мен учун принцип масаласи бўлиб қолди – шунинг учун ҳам бу ерга келиб қолдик! Ростини айтсам, мен бундай нарсаларга ташвишланиш учун энди жуда қариб қолдим. Агар улар хоҳлаётган нарса шу бўлса, эҳтимол, мен об-ҳавоси ёқимлироқ бўлган жойга кетаман. Мен блицда ўйнамайман. Буларнинг барчаси учун ўзимни жудаям кекса ҳис қиляпман. Мен ФИДE'дан чарчадим ва улар билан бошқа ҳеч қандай иш қилмоқчи эмасман. Томошабинларнинг ҳаммасидан узр сўрайман, эҳтимол бу нотўғри ишдир», – дейди Карлсен журналистларга берган интервьюсида.
Ушба масала юзасидан ФИДE қуйидагича баёнот берди:
"Рапид ва Блиц Жаҳон чемпионатлари учун ФИДE регламенти, жумладан кийиниш қоидалари, барча иштирокчилар ўртасида профессионаллик ва адолатни таъминлаш мақсадида ишлаб чиқилган.
Бугун жаноб Магнус Карлсен узоқ йиллик қоидаларга биноан тақиқланган жинси шим кийиб, кийиниш қоидаларини бузди. Бош ҳакам Карлсенни бу ҳолатдан хабардор қилиб, 200 доллар жарима солган ҳолда кийимини алмаштиришни сўради. Афсуски, Карлсен рад жавобини бергани учун у тўққизинчи турга қўйилмади. Ушбу қарор холисона қабул қилинди ва барча ўйинчиларга бирдек татбиқ этилади.
Аввалроқ, яна бир иштирокчи – жаноб Ян Непомняшчиий ҳам спорт пойабзали кийиб, кийиниш қоидаларини бузганлиги учун жаримага тортилди. Бироқ у дарҳол бу қоидаларга бўйсуниб, рухсат этилган кийимга ўтди ва турнирда иштирокини давом эттирди.
Кийиниш қоидалари ФИДE Спортчилар комиссияси аъзолари – профессионал ўйинчилар ҳамда мутахассислар томонидан тайёрланган. Бу қоидалар бир неча йиллардан буён амал қилиб келади ва барча иштирокчилар уларни яхши билишади, шунингдек ҳар бир мусобақа олдидан бу талаблар улар қайта эълон қилинади. ФИДE, ўйинчиларнинг яшаш жойи ўйин залидан унча узоқ бўлмаган ҳудудда бўлишини ҳам таъминлаб, қоидаларга риоя қилишни осонлаштирган.
ФИДE шахматни ва унинг қадриятларини, хусусан, барча иштирокчилар қабул қиладиган қоидаларга ҳурматни тарғиб қилишга содиқ бўлиб қолади", — дейилади ФИДЕ тарқатган баёнотда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
