Shaxmat bo‘yicha Nyu Yorkda o‘tkazilayotgan jahon chempionati bosh hakami Magnusni kiyinish qoidalarini buzgan deb hisoblab, uni kiyimini almashtirishga chaqirgan. Bunga norozilik sifatida sobiq jahon chempioni joriy tezkor (rapid) chempionatidan chiqib ketdi va blis turnirida ham qatnashmasligini ma’lum qildi.
Magnus jurnalistlarga shunday izoh berdi:
«Men ertaga kiyimimni almashtirishimni aytdim... lekin ular hoziroq almashtirishingiz kerak, deyishdi. Bu men uchun prinsip masalasi bo‘lib qoldi – shuning uchun ham bu yerga kelib qoldik! Rostini aytsam, men bunday narsalarga tashvishlanish uchun endi juda qarib qoldim. Agar ular xohlayotgan narsa shu bo‘lsa, ehtimol, men ob-havosi yoqimliroq bo‘lgan joyga ketaman. Men blisda o‘ynamayman. Bularning barchasi uchun o‘zimni judayam keksa his qilyapman. Men FIDE'dan charchadim va ular bilan boshqa hech qanday ish qilmoqchi emasman. Tomoshabinlarning hammasidan uzr so‘rayman, ehtimol bu noto‘g‘ri ishdir», – deydi Karlsen jurnalistlarga bergan intervyusida.
Ushba masala yuzasidan FIDE quyidagicha bayonot berdi:
"Rapid va Blis Jahon chempionatlari uchun FIDE reglamenti, jumladan kiyinish qoidalari, barcha ishtirokchilar o‘rtasida professionallik va adolatni ta’minlash maqsadida ishlab chiqilgan.
Bugun janob Magnus Karlsen uzoq yillik qoidalarga binoan taqiqlangan jinsi shim kiyib, kiyinish qoidalarini buzdi. Bosh hakam Karlsenni bu holatdan xabardor qilib, 200 dollar jarima solgan holda kiyimini almashtirishni so‘radi. Afsuski, Karlsen rad javobini bergani uchun u to‘qqizinchi turga qo‘yilmadi. Ushbu qaror xolisona qabul qilindi va barcha o‘yinchilarga birdek tatbiq etiladi.
Avvalroq, yana bir ishtirokchi – janob Yan Nepomnyashchiiy ham sport poyabzali kiyib, kiyinish qoidalarini buzganligi uchun jarimaga tortildi. Biroq u darhol bu qoidalarga bo‘ysunib, ruxsat etilgan kiyimga o‘tdi va turnirda ishtirokini davom ettirdi.
Kiyinish qoidalari FIDE Sportchilar komissiyasi a’zolari – professional o‘yinchilar hamda mutaxassislar tomonidan tayyorlangan. Bu qoidalar bir necha yillardan buyon amal qilib keladi va barcha ishtirokchilar ularni yaxshi bilishadi, shuningdek har bir musobaqa oldidan bu talablar ular qayta e’lon qilinadi. FIDE, o‘yinchilarning yashash joyi o‘yin zalidan uncha uzoq bo‘lmagan hududda bo‘lishini ham ta’minlab, qoidalarga rioya qilishni osonlashtirgan.
FIDE shaxmatni va uning qadriyatlarini, xususan, barcha ishtirokchilar qabul qiladigan qoidalarga hurmatni targ‘ib qilishga sodiq bo‘lib qoladi", — deyiladi FIDE tarqatgan bayonotda.
OKMK
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
