«Андижон» кеча иккита ўртоқлик учрашувида майдонга тушди. Жамоа куннинг биринчи ярмида Белекдаги “Экодизайн спорт мажмуаси”да Австриянинг “АСК Войтсберг” клубига қарши баҳс ўтказди.
Мураббийлар штаби томонидан иккала баҳс учун алоҳида таркиб танланди. “АСК Войтсберг”га қарши баҳсда Сардор Азимов сардорлигидаги таркиб майдонга туширилди. Баҳс мобайнида эса бироз кучли шамол эсиб турди. Ўйинда учта гол киритилди.
Дастлаб рақиб футболчиси Паша Маер ҳисобни очган бўлса, орадан кўп ўтмасдан Муҳаммадкарим Тоиров фаоллик эвазига рақибдан тўпни олиб қўйиб, Шахром Самиевни қулай имкониятга чиқарди. Ўз навбатида Самиев ўзи учун яратилган бундай вазиятдан самарали фойдаланди.
Шунингдек, Дониёр Абдуманноповда учрашув бошида гол уриш учун яхши имконият юзага келганди. Аммо ўша вазиятда футболчимиздан омад юз ўгирди. Танаффусдан кейин эса австрияликлар яна бир гол уришди.
Баҳснинг қолган дақиқаларида ҳам жиддий кураш кечди. Айрим ҳолатларда эса рақиб дарвозасини ишғол қилишда омад юз ўгирди. Шундай бўлсада, ўйин кескин курашлар остида кечди ва муҳими, мураббийлар қўлланилаётган ўйин стратегиясини кўздан кечириб олдилар.
«Андижон» 7 февраль санасига белгиланган иккинчи учрашувини Норвегиянинг «Рауфосс» клубига қарши ўтказди.
Анталиядаги СБ спорт мажмуасида бўлиб ўтган учрашув ҳам қизиқарли ва жанговар тарзда кечди. Табиийки, мураббийлар «Войтсберг»га қарши ўйиндан фарқли ўлароқ бу сафар бошқа таркибни туширишди ва бу олдиндан ўйлаган режа эди. Фақат куннинг биринчи қисмида захирадан майдонга туширилган Усмонали Исмоналиев иккинчи баҳсни бошланғич таркибда бошлади.
Учрашув иккита гол урилди ва бу танаффусдан кейин содир бўлди. Иккала гол ҳам рақиб футболчилари томонидан амалга оширилди. Лекин жамоамизда ҳам голга тортадиган қулай имкониятлар бўлди.
Масалан, Ислам Машуков деярли бирга-бир вазиятда тепган тўпи бироз ноаниқ кетди. Яна бир ҳолатда эса унинг бурчакдан узатилган тўпни боши билан йўллаган зарбаси тўцинга тегди. Шунингдек, Фарҳод Соҳибжонов ҳам гол уриш имкониятига эга бўлди.
Дарвозабонимиз Валижон Раҳимов ҳам иккита гол ўтказганига қарамай, айрим вазиятларда сейвларини амалга ошириб, маҳоратини кўрсатди.
«Бургутлар»нинг навбатдаги ўйини 13 февраль санасига белгиланган бўлиб, шу куни ҳам жамоамиз бир кунда иккиата учрашув ўтказади.
Назорат ўйинлари
«Андижон» – “АСК Войтсберг” (Австрия) – 1:2 (1:1).
7 февраль. Анталия. “Экодизайн спорт мажмуаси”.
Бош ҳакам: Нурғази Бекбўлсунов
Ёрдамчи ҳакамлар: Зафар Мирзаитов, Данел Абдукадиров
Захира ҳаками: Адилет Ералиев
Назоратчи: Вадим Скопинсев
«Андижон»: Элдор Адхамов, Абубакир Ашуров, Лука Ускокович, Абдулвоҳид Ғуломов, Абдураҳмон Комилов, Шохжаҳон Ёрқинбоев, Мирзад Механович, Муҳаммадкарим Тоиров, Дониёр Абдуманнопов, Сардор Азимов, Шахром Самиев.
Захирадан майдонга тушганлар: Моҳир Комилов, Рустам Турдимуродов, Альтин Крезиу, Усмонали Исмоналиев.
“АСК Войтсберг”: Юрий Крихмайр, Доминик Кимбаер, Мартин Салентиник, Элиас Янтрисевитс, Нино Пунгарсек, Филип Шхейхер, Якоб Янтсхер, Максимилиан Суппан, Лукас Паргер, Паша Маер, Маурис Амрич.
Захирадан майдонга тушганлар: Фауланд Михаел, Кристоф Штроммер, Дрини Халили, Филип Зуна.
Голлар: Паша Маер, 28 – 0:1. Шахром Самиев, 34 – 1:1. Филип Зуна, 52 – 1:2.
«Андижон» – «Рауфосс» (Норвегия) – 0:2 (0:0).
7 февраль. Анталия. СБ спорт мажмуаси стадиони.
Бош ҳакам: Александр Затула (1-бўлимда). Михаил Билдинов (2-бўлимда)
Ёрдамчи ҳакамлар: Антон Сисоев, Иван Навроский.
«Андижон»: Валижон Раҳимов, Миомир Журичкович, Ислом Маматказин, Олег Зотеев, Усмонали Исмоналиев, Искандар Шойқулов, Дамир Темиров, Фарҳод Соҳибжонов, Илҳом Абдуғаниев, Бектемир Абдуманнонов, Ислам Машуков.
Иккинчи бўлимда майдонга тушганлар: Моҳир Комилов, Альтин Крезиу, Рустам Турдимуродов,
«Рауфосс» таркиби: Кристиан Лавл, Виктор Форс, Кристофер Хай, Адриан Хансен, Томас Нихайм, Оле Амунд Свен, Коджо Сомеси, Жан Инге Лином, Раян Нелсон, Эрленд Хюста, Андреас Остеруд.
Захирадан майдонга тушган футболчилар: Петер Янсен, Элиас Сорум, Жонас Соренсен, Оскар Сангнес, Сандер Нордбо, Тинус Энгебаккен, Агеман, Жонас Дален, Жеймс Ампофо, Торжус Роннинген.
Голлар: Оле Амунд Свеен, 68 – 0:1. Сандер Нордбо, 83 – 0:2.
Матнда хатолик топсангиз, ўша хатони белгилаб, бизга жўнатинг (Ctrl + Enter).
ОКМК
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
