«Andijon» kecha ikkita o‘rtoqlik uchrashuvida maydonga tushdi. Jamoa kunning birinchi yarmida Belekdagi “Ekodizayn sport majmuasi”da Avstriyaning “ASK Voytsberg” klubiga qarshi bahs o‘tkazdi.
Murabbiylar shtabi tomonidan ikkala bahs uchun alohida tarkib tanlandi. “ASK Voytsberg”ga qarshi bahsda Sardor Azimov sardorligidagi tarkib maydonga tushirildi. Bahs mobaynida esa biroz kuchli shamol esib turdi. O‘yinda uchta gol kiritildi.
Dastlab raqib futbolchisi Pasha Mayer hisobni ochgan bo‘lsa, oradan ko‘p o‘tmasdan Muhammadkarim Toirov faollik evaziga raqibdan to‘pni olib qo‘yib, Shaxrom Samiyevni qulay imkoniyatga chiqardi. O‘z navbatida Samiyev o‘zi uchun yaratilgan bunday vaziyatdan samarali foydalandi.
Shuningdek, Doniyor Abdumannopovda uchrashuv boshida gol urish uchun yaxshi imkoniyat yuzaga kelgandi. Ammo o‘sha vaziyatda futbolchimizdan omad yuz o‘girdi. Tanaffusdan keyin esa avstriyaliklar yana bir gol urishdi.
Bahsning qolgan daqiqalarida ham jiddiy kurash kechdi. Ayrim holatlarda esa raqib darvozasini ishg‘ol qilishda omad yuz o‘girdi. Shunday bo‘lsada, o‘yin keskin kurashlar ostida kechdi va muhimi, murabbiylar qo‘llanilayotgan o‘yin strategiyasini ko‘zdan kechirib oldilar.
«Andijon» 7 fevral sanasiga belgilangan ikkinchi uchrashuvini Norvegiyaning «Raufoss» klubiga qarshi o‘tkazdi.
Antaliyadagi SB sport majmuasida bo‘lib o‘tgan uchrashuv ham qiziqarli va jangovar tarzda kechdi. Tabiiyki, murabbiylar «Voytsberg»ga qarshi o‘yindan farqli o‘laroq bu safar boshqa tarkibni tushirishdi va bu oldindan o‘ylagan reja edi. Faqat kunning birinchi qismida zaxiradan maydonga tushirilgan Usmonali Ismonaliyev ikkinchi bahsni boshlang‘ich tarkibda boshladi.
Uchrashuv ikkita gol urildi va bu tanaffusdan keyin sodir bo‘ldi. Ikkala gol ham raqib futbolchilari tomonidan amalga oshirildi. Lekin jamoamizda ham golga tortadigan qulay imkoniyatlar bo‘ldi.
Masalan, Islam Mashukov deyarli birga-bir vaziyatda tepgan to‘pi biroz noaniq ketdi. Yana bir holatda esa uning burchakdan uzatilgan to‘pni boshi bilan yo‘llagan zarbasi to‘singa tegdi. Shuningdek, Farhod Sohibjonov ham gol urish imkoniyatiga ega bo‘ldi.
Darvozabonimiz Valijon Rahimov ham ikkita gol o‘tkazganiga qaramay, ayrim vaziyatlarda seyvlarini amalga oshirib, mahoratini ko‘rsatdi.
«Burgutlar»ning navbatdagi o‘yini 13 fevral sanasiga belgilangan bo‘lib, shu kuni ham jamoamiz bir kunda ikkiata uchrashuv o‘tkazadi.
Nazorat o‘yinlari
«Andijon» – “ASK Voytsberg” (Avstriya) – 1:2 (1:1).
7 fevral. Antaliya. “Ekodizayn sport majmuasi”.
Bosh hakam: Nurg‘azi Bekbo‘lsunov
Yordamchi hakamlar: Zafar Mirzaitov, Danel Abdukadirov
Zaxira hakami: Adilet Yeraliyev
Nazoratchi: Vadim Skopinsev
«Andijon»: Eldor Adxamov, Abubakir Ashurov, Luka Uskokovich, Abdulvohid G‘ulomov, Abdurahmon Komilov, Shoxjahon Yorqinboyev, Mirzad Mexanovich, Muhammadkarim Toirov, Doniyor Abdumannopov, Sardor Azimov, Shaxrom Samiyev.
Zaxiradan maydonga tushganlar: Mohir Komilov, Rustam Turdimurodov, Altin Kreziu, Usmonali Ismonaliyev.
“ASK Voytsberg”: Yuriy Krixmayr, Dominik Kimbayer, Martin Salentinik, Elias Yantrisevits, Nino Pungarsek, Filip Shxeyxer, Yakob Yantsxer, Maksimilian Suppan, Lukas Parger, Pasha Mayer, Mauris Amrich.
Zaxiradan maydonga tushganlar: Fauland Mixayel, Kristof Shtrommer, Drini Xalili, Filip Zuna.
Gollar: Pasha Mayer, 28 – 0:1. Shaxrom Samiyev, 34 – 1:1. Filip Zuna, 52 – 1:2.
«Andijon» – «Raufoss» (Norvegiya) – 0:2 (0:0).
7 fevral. Antaliya. SB sport majmuasi stadioni.
Bosh hakam: Aleksandr Zatula (1-bo‘limda). Mixail Bildinov (2-bo‘limda)
Yordamchi hakamlar: Anton Sisoyev, Ivan Navroskiy.
«Andijon»: Valijon Rahimov, Miomir Jurichkovich, Islom Mamatkazin, Oleg Zoteev, Usmonali Ismonaliyev, Iskandar Shoyqulov, Damir Temirov, Farhod Sohibjonov, Ilhom Abdug‘aniyev, Bektemir Abdumannonov, Islam Mashukov.
Ikkinchi bo‘limda maydonga tushganlar: Mohir Komilov, Altin Kreziu, Rustam Turdimurodov,
«Raufoss» tarkibi: Kristian Lavl, Viktor Fors, Kristofer Xay, Adrian Xansen, Tomas Nixaym, Ole Amund Sven, Kodjo Somesi, Jan Inge Linom, Rayan Nelson, Erlend Xyusta, Andreas Osterud.
Zaxiradan maydonga tushgan futbolchilar: Peter Yansen, Elias Sorum, Jonas Sorensen, Oskar Sangnes, Sander Nordbo, Tinus Engebakken, Ageman, Jonas Dalen, Jeyms Ampofo, Torjus Ronningen.
Gollar: Ole Amund Sveen, 68 – 0:1. Sander Nordbo, 83 – 0:2.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
