Тео Бюкер: «Жанубий Кореяни енгиш бу сафар қийин бўлади»
Жанубий Корея делегацияси бугун Ливан пойтахти Байрутга етиб борди. Улар 4 июнь куни Ливанга қарши баҳсда майдонга чиқишади. Ушбу жамоалар ЖЧ-2014 саралашининг 3-босқичида ҳам бир гуруҳда тўп суришганди ва 2011 йил 3 ноябрь куни Байрутда бўлиб ўтган ўйинда ливанликлар 2:1 ҳисобида ғалаба қозонганди. Ушбу ғалаба Ливанга якуний босқич йўлланмасини тақдим этганди. Ўз навбатида миллий терма жамоа бош мураббийи Тео Бюкер ҳам шартнома муддатини яна 2 йил узайтирганди. Тео Бюкер Жанубий Кореяга қарши бу сафарги ўйин қийин кечишини таъкидлаб ўтди.
"Кореяни мағлуб этиш қийин бўлади. Келишилган ўйинлар туфайли 6 нафар футболчи терма жамоадан четлаштирилди. Ливан терма жамоаси футболчилари профессионал клублардан фаолият олиб боришмайди. Терма жамоа ўйин ўтказадиган "Sports City" стадионининг бор-йўғи битта машғулот майдони бор", дейди Тео Бюкер.
"Икки йил Жанубий Кореяни 2:1 ҳисобида мағлубиятга учратганимиздан кейин мен яна 2 йиллик шартномага имзо чекдим. Ўшанда қандайдир мўъжиза кўрсатгандим. Бу сафар эса Кореяни мағлуб этиш қийин бўлади", дейди 11 июнь куни Ливандаги фаолиятини якунлашга қарор қилган мураббий.
Киритилди: 18:18, 02.06.2013. Ўқилди: 4727 марта. Фикрлар: 19 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).