Ливан билан ўйинга тайёргарлик кўраётган Жанубий Корея терма жамоаси бош мураббийи эртадан кейин бўлиб ўтадиган ўйиндан сўнг ЖЧ йўлланмасини деярли нақд қилиб қўйиш ҳақида бош қотирмоқда, дея хабар беради Yonhap News.
"Ягона мақсад - ғалаба қозониш. Ўйлашимча, учрашув тақдири кўп жиҳатдан биринчи голни ким уришига боғлиқ. Ливан мамлакати иқлими ҳам биз учун барқарор ўйин кўрсатиш имкониятини бермаслиги, шунингжек ҳужумларимиз самарадорлигини ҳам пасайтириши мумкин.
Ливан терма жамоаси таркибида рақиб ҳужумини бартараф эта оладиган футболчилар етарли. Гарчи рақибларимиз қарши ҳужумда ўйнашини тахмин қилсам-да, дастлабки дақиқаларни бироз ҳимояланган ҳолда ўтказишимиз мумкин. Ушбу ўйинда жамоамизнинг айниқса ҳужум ва ярим ҳимоя вакилларига кўп масьулият юкланади", дейди кореялик мураббий.
Юқорида номи қайд этилган нашр ўйинга танланажак тактикага тўхталиб ўтаркан, Жанубий Корея анъанавий 4-4-2 услубидан воз кечиб, 4-2-3-1 схемаси остида ҳаракат қилишини тахмин қилмоқда. Шу орқали рақибнинг қарши ҳужумларини ўтказиб юбормаслик кўзда тутилган.
Нашрга берган интервьюсини якунларкан, Чой Канг Хи қўшимча қилди: "Қаршимизда турган учта ўйинни ҳам ғалаба билан якунламоқчиман. Шу тариқа терма жамоадаги фаолиятим ҳам балки якунига етар..."
Матнда хатолик топсангиз, ўша хатони белгилаб, бизга жўнатинг (Ctrl + Enter).