Тео Бюкер: «Ушбу баҳс Эрон учун муҳим аҳамиятга эга»
Ливан терма жамоаси ўзининг ЖЧ-2014 саралаш босқичидаги сўнгги ўйинини ўтказиш учун Теҳронга етиб келди. Пойхатдаги Имом Ҳомайний аэропортида Тео Бюкер маҳаллий журналистларга қисқача интервью берди.
"Ушбу ўйин Эрон учун энг муҳим учрашувлардан бири. Лекин биз учун бундай эмас. Биз ЖЧ-2014 йўлланмаси учун курашдан маҳрум бўлиб улгурдик. Бундан ташқари, бизнинг бир неча нафар футболчиларимиз дисквалификация туфайли ўйинни ўтказиб юборишади", дейди германиялик мутахассис.
Эрон ва Ливан терма жамоалари сўнгги бир йил ичида икки марта ўзаро тўқнаш келишди. Ливандаги дастлабки давра баҳсида майдон эгалари 1:0 ҳисобида ғалаба қозонишган бўлса, февраль ойида Теҳронда бўлиб ўтган Осиё кубоги-2015 саралаш баҳсида форслар 5:0 ҳисобида рақибидан устун келишди.
Манба: www.persianfootball.com
Киритилди: 00:34, 09.06.2013. Ўқилди: 5420 марта. Фикрлар: 26 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).