Хабарингиз бор, жорий мавсумда "Навбаҳор" жамоаси таркибига бир қатор хорижлик футболчилар қўшилишди. Улар орасида бразилиялик 25 ёшли ҳимоячи Гильерме Гедеш ҳам бор. Суперлиганинг 3-туридан ўрин олган "Навбаҳор" – "Андижон" жамоалари ўртасидаги учрашув арафасида Гедеш клуб матбуот хизмати учун интервью берди.
- Гильерме, суҳбатимизни жамоамиз таркибига қўшилишингиз қай тарзда юз берганлиги борасидаги савол билан бошласак. Сизни “Навбаҳор”га ким таклиф этди?
- Агентим менга Бразилиядан ташқарида ўйнаш учун имконият қидираётганди, боиси, муҳитни ўзгартиришни истаётгандим. Кейин “Навбаҳор” варианти пайдо бўлди ва бу менга ёқди. Натижада “Навбаҳор” сафига қўшилдим.
- “Навбаҳор”га таклиф бўлишидан олдин юртимиз футболи ҳақида таассуротга эгамидингиз?
- Тўғрисини айтсам, Ўзбекистон футболи ҳақида кам маълумотга эга эдим. Жамоангиздан таклиф бўлиши билан мамлакатингиз футболи тўғрисидаги маълумотни кўпроқ ўргандим ҳамда юртингизда футбол ривожланаётганлиги, “Навбаҳор” буюк тарих ва ажойиб мухлисларга эга клуб эканлиги борасидаги маълумотларга эга бўлдим.
- Жамоага мослашиш қийин кечмадими?
- Йўқ, чунки клуб мутасаддилари, мураббийлар штаби ҳамда футболчилар мени жуда илиқ тарзда кутиб олишди. Мен жамоага жуда тез мослашиб кетдим. Бунинг учун улардан миннатдорман.
- “Навбаҳор” таркибида расмий ўйинларда ҳам майдонга тушдингиз. Наманганда сизга нима манзур бўлди? Бу ерда ўзингизни қандай ҳис қиляпсиз?
- Наманган менга жуда ёқди. Жуда тинч ва яшаш учун қулай, яхши шаҳар экан.
- Жамоадаги қайси футболчилар билан дўстлашишга улгурдингиз?
- “Навбаҳор”даги барча футболчилар билан жуда яхши муносабатдаман.
- Ўзбекистон Суперлигаси учрашувлари сизда қандай таассурот қолдирмоқда?
- Маъқул келган томони, чемпионатнинг рақобатбардошлиги ва осон ўйинларнинг йўқлиги. Суперлигада барча жамоаларнинг имконияти деярли тенг. Бундай чемпионатда ўйнаш эса жуда ёқимли.
- Ўзбек тилида айрим сўзларни гапиряпсиз, тил ўрганишда муаммо бўлмаяптими?
- Ҳали ўзбек тилида равон гапира олмайман, лекин бир нечта сўзларни биламан. Тилингизни ўрганиш менга унчалик муаммо туғдирмаяпти.
- “Навбаҳор” мухлислари ҳақида нима дея оласиз? Ҳар ҳолда расмий ўйинлар ҳамда тақдимот маросимида улар билан учрашдингиз...
- “Навбаҳор”га келишимга клубнинг буюк тарихга эга эканлиги билан биргаликда, ажойиб, фидоий, садоқатли мухлисларга эга эканлиги ҳам туртки бўлди. Буни Наманганга келишимдан олдин ҳис қилганман. Шаҳрингизга келиб, тақдимот маросими ва расмий ўйинларда жамоа мухлислари ҳақиқатданам “Навбаҳор”ни муносиб тарзда қўллаб-қувватлашларига гувоҳ бўлдим.
- Интервью учун сизга ўз миннатдорчилигимизни билдириб, жамоамиздаги фаолиятингизда омад ёр бўлишини тилаймиз. Умид қиламизки, “лочинлар”нинг зафар ва совринларига муносиб ҳиссангизни қўшасиз.
- Фурсатдан фойдаланиб,мазкур суҳбатни уюштирган “Навбаҳор” ПФК матбуот хизмати ходимларига ўз миннатдорчилигимни билдираман. Биз биргаликда улкан ютуқларга эришамиз, деган умиддаман" - деди Гильерме.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
