Миржалол Қосимов: «Ғалаба қозониш учун қўлимиздан келган барча ишни қиламиз»
ЖЧ-2014 саралашининг 4-босқич, 9-туридан ўрин олган Жанубий Корея ва Ўзбекистон миллий терма жамоалари ўртасидаги баҳсдан олдинги матбуот анжуманида дастлаб Миржалол Қосимов иштирок этди. У ўзи билан бирга Сервер Жепаровни олиб келди.
"Эртага бизни жуда муҳим ўйинини кутиб турибди. Эртага ғалаба қозонсак, ўзбек футболи тарихига кирамиз. Боиси, терма жамоамиз ҳали жаҳон чемпионатига чиқмаган. Терма жамоада яхши футболчилар йиғилган. Эртага осон бўлмайди, аммо ғалаба қозониш учун қўлимиздан келган барча ишни қиламиз", дея гап бошлади Миржалол Қосимов.
""Пекинда об-ҳаво яхши бўлмагани учун Кореяга етиб келишимиз бироз чўзилиб кетди. Форс-мажор юзага келди. Лекин бу ҳаёт. Бунақаси бўлиб туради. Мен футболчиларимнинг жисмоний ҳолатидан хавотирда эмасман. Кореяга етиб келганимиздан кейин тезда ўзимизни тиклаб олдик", дейди терма жамоамиз бош мураббийи.
"Мен Жанубий Кореянинг қайсидир футболчисини ажратиб кўрсатмоқчи эмасман. Кореяликлар жамоа сифатида кучли. Ҳозирча Қатар ҳақида ўйлаётганимиз йўқ. Бор эътиборимиз Кореяга қарши бўладиган эртанги ўйинга қаратилган", дейди Миржалол Қўшоқович.
Киритилди: 15:19, 10.06.2013. Ўқилди: 8979 марта. Фикрлар: 55 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар