Ўзбекистон Суперлигасининг 4-туридан ўрин олган "Бухоро" ҳамда "Бунёдкор" жамоалари ўртасидаги баҳс томонларнинг келишуви асосида Тошкентга кўчирилган эди.
Учрашувнинг илк дақиқалариданоқ "Бунёдкор" ташаббусни ўз қўлига олди. Жамоа ўйинни юқори темпда бошлаб, тўпни назорат қилишга ҳаракат қилди. "Бухоро" эса асосан қарши ҳужумларда рақибни қийин аҳволга солишга уринди.
25-дақиқада "Бунёдкор" футболчиси Ҳамробековдан хавфли зарба йўлланди, аммо дарвозабон иккинчи уринишда тўпни ушлаб қолди. Шундан сўнг ўйин асосан марказда кечди, ҳар икки жамоа ҳам дарвоазага аниқ зарбалар йўллашда қийинчиликка учради. 41-дақиқада ҳакам VAR'га мурожаат қилди, бироқ ўйин давом эттирилди. Биринчи бўлимга 2 дақиқа қўшиб берилди ва тайм 0:0 ҳисобида якунланди.
Иккинчи бўлимни ҳар икки жамоа фаол бошлади. 55-дақиқада "Бунёдкор" футболчиси Луис рақиб ҳимоячисининг хатосидан кейин яхши имкониятга эга бўлди, бироқ унинг зарбасини дарвозабон қайтарди.
78-дақиқада "Бунёдкор" кутилмаган ҳолатда ҳисобни очди. "Бухоро" ҳимоячиси Фране Икич ўз дарвозасига гол урган ҳолда ҳисобни 0:1 кўринишига келтирди. Бу голдан сўнг "Бухоро" жамоаси фаолликни оширди, бироқ 87-дақиқада "Бунёдкор" иккинчи голни урди. Бобурбек Йўлдошев рақиб ҳимоясининг хатосидан фойдаланиб, ҳисобни 0:2 кўринишига келтирди.
Учрашувнинг сўнгги дақиқаларида "Бухоро" жамоаси гол уришга ҳаракат қилган бўлса-да, "Бунёдкор" ғалабани сақлаб қолди ва ўз очколарини 10 тага етказиб, Суперлига пешқадамига айланди.
Суперлига. 4-тур
"БУХОРО" - "БУНЁДКОР" - 0:2 (0:0)
Голлар: Фране Икич (78-автогол), Бобурбек Йўлдошев (87)
"Бухоро": Абдуллаев, Пўлатов, Фране, Калакович (Марко Колакович, 74), Чиряк (Муҳаммад Сафо Фозилов, 72), Йулдашев, Томашевич, Рўзиев, Хайруллаев (Ҳусайн Эргашбоев, 85), Норхонов (Асилбек Қаюмов, 85), Бегич (Билол Туплиев, 57).
"Бунёдкор": Абдунабиев, Раҳимжонов (Азизбек Тўлқинбеков, 89), Нормуродов, Йўлдошев (Расул Йўлдошев, 78), Бугарин, Сролер (Мартин Шролер, 78), Мали (Александр Зевадинов, 90), Ҳамробеков, Ашортиа (Музаффар Олимжонов, 78), Тўрақулов (Азизбек Омонов, 46), Качорри.
Матнда хатолик топсангиз, ўша хатони белгилаб, бизга жўнатинг (Ctrl + Enter).