O‘zbekiston Superligasining 4-turidan o‘rin olgan "Buxoro" hamda "Bunyodkor" jamoalari o‘rtasidagi bahs tomonlarning kelishuvi asosida Toshkentga ko‘chirilgan edi.
Uchrashuvning ilk daqiqalaridanoq "Bunyodkor" tashabbusni o‘z qo‘liga oldi. Jamoa o‘yinni yuqori tempda boshlab, to‘pni nazorat qilishga harakat qildi. "Buxoro" esa asosan qarshi hujumlarda raqibni qiyin ahvolga solishga urindi.
25-daqiqada "Bunyodkor" futbolchisi Hamrobekovdan xavfli zarba yo‘llandi, ammo darvozabon ikkinchi urinishda to‘pni ushlab qoldi. Shundan so‘ng o‘yin asosan markazda kechdi, har ikki jamoa ham darvoazaga aniq zarbalar yo‘llashda qiyinchilikka uchradi. 41-daqiqada hakam VAR'ga murojaat qildi, biroq o‘yin davom ettirildi. Birinchi bo‘limga 2 daqiqa qo‘shib berildi va taym 0:0 hisobida yakunlandi.
Ikkinchi bo‘limni har ikki jamoa faol boshladi. 55-daqiqada "Bunyodkor" futbolchisi Luis raqib himoyachisining xatosidan keyin yaxshi imkoniyatga ega bo‘ldi, biroq uning zarbasini darvozabon qaytardi.
78-daqiqada "Bunyodkor" kutilmagan holatda hisobni ochdi. "Buxoro" himoyachisi Frane Ikich o‘z darvozasiga gol urgan holda hisobni 0:1 ko‘rinishiga keltirdi. Bu goldan so‘ng "Buxoro" jamoasi faollikni oshirdi, biroq 87-daqiqada "Bunyodkor" ikkinchi golni urdi. Boburbek Yo‘ldoshev raqib himoyasining xatosidan foydalanib, hisobni 0:2 ko‘rinishiga keltirdi.
Uchrashuvning so‘nggi daqiqalarida "Buxoro" jamoasi gol urishga harakat qilgan bo‘lsa-da, "Bunyodkor" g‘alabani saqlab qoldi va o‘z ochkolarini 10 taga yetkazib, Superliga peshqadamiga aylandi.
Superliga. 4-tur
"BUXORO" - "BUNYODKOR" - 0:2 (0:0)
Gollar: Frane Ikich (78-avtogol), Boburbek Yo‘ldoshev (87)
"Buxoro": Abdullayev, Po‘latov, Frane, Kalakovich (Marko Kolakovich, 74), Chiryak (Muhammad Safo Fozilov, 72), Yuldashev, Tomashevich, Ro‘ziyev, Xayrullayev (Husayn Ergashboyev, 85), Norxonov (Asilbek Qayumov, 85), Begich (Bilol Tupliyev, 57).
"Bunyodkor": Abdunabiyev, Rahimjonov (Azizbek To‘lqinbekov, 89), Normurodov, Yo‘ldoshev (Rasul Yo‘ldoshev, 78), Bugarin, Sroler (Martin Shroler, 78), Mali (Aleksandr Zevadinov, 90), Hamrobekov, Ashortia (Muzaffar Olimjonov, 78), To‘raqulov (Azizbek Omonov, 46), Kachorri.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
