Жанубий Корея миллий терма жамоаси ёрдамчи мураббийи Ким Дэ Гил кореялик мухбирнинг саволларига жавоб қайтарди.
— Жамоа ўйинга қанчалик тайёр? Ўзбекистон бугун ўз олдига ғалаба қозонишни мақсад қилиб қўйган...
— Ливанни мағлуб этишимиз керак эди. Дуранг натижадан кейин терма жамоа босим остида қолди. Бош мураббий Чой Канг Хи бугунги ўйинда ғалаба қозониш учун бор маҳоратини ишга солмоқда. Бахтимизга, Ливанга қарши ўйиндан кейин терма жамоадаги муҳит яхшиланди. Ҳа, Ўзбекистон ҳам бугунги ўйинда ғалаба қозонишни мақсад қилган. Улар биринчи навбатда руҳий тайёргарликка катта эътибор қаратишган.
— Терма жамоанинг бошланғич таркиби ҳақида суҳбатлашадиган бўлсак, бугун ҳимоя чизиғида ўзгаришлар бўлиши мумкинми?
— Бугун Ким Шин Вук, Ким Бо Кюнг ва Сонг Хеунг Мин асосий таркибда тушишса керак. Ҳимоя чизиғида эса Ким Ки Хю билан боғлиқ муаммолар юзага келди. Шунингдек, марказий ҳимояда Син Кванг Хун ўрнига Ким Йнг Квон, ўнг қанотда эса Чанг Су Ким ўйнаса керак. Ярим ҳимояда Ким Чен Ву ва Ким Нам Ил ўйнайди.
— Сон Хеунг Мин машғулотларда фаол иштирок этмоқда. Ҳужум чизиғида ўзгариш бўладими?
— Ушбу футболчи Ким Шин Вукнинг ўрнида ҳаракат қилиши ҳам мумкин. Шунда терма жамоанинг тактик схемаси 4-2-3-1 ёки 4-4-1 кўринишида бўлади. Агар ҳар иккала футболчи майдонга тушса, Сон Хеунг Мин орқароқда ўйнайди. Ўзбекистонга қарши ўйинда терма жамоанинг асосий кучи айнан "Гамбург" футболчиси билан боғлиқ.
— Ливанга қарши ўйинда ҳужумчилар имкониятлар фойдалана олишмагани бизни хавотирга солди. Машғулотларда бу ҳолат устидан ишландими?
— Тўғри. Лекин бу муаммони қисқа муддат ичида ҳал қилиш қийин. Ливан дарвозасини эса омадсизлик туфайли ишғол қила олмадик. Муҳими, бизда гол уриш учун имкониятлар юзага келса, улардан фойдаланишга ҳаракат қиламиз.
— Ўзбекистон терма жамоаси бош мураббийи Миржалол Қосимов кеча бўлиб ўтган матбуот анжуманида тарихий натижа қайд этиш ниятида эканини таъкидлади. Ўзбекистоннинг ҳозирги ҳолатига қандай баҳо берасиз?
— Ўзбекистон Қатар, Эрон ва Ливан устидан кетма-кет 3та ғалабага эришди. Шунингдек, улар ўртоқлик ўйинида Хитойни мағлуб этишди. Ўзбекистоннинг бошланғич таркибида катта ўзгариш бўлмаса керак. Олдинда Улуғбек Бақоев ва унинг ортида Сервер Жепаров ҳаракат қилишини тахмин қиляпмиз. Терма жамоа бош мураббийи Миржалол Қосимов асосий эътиборни стабил ўйинга қаратмоқда. Биз Ўзбекистондан эҳтиёт бўлишимиз керак. Тошкентда бўлиб ўтган ўйинда (2:2) Ўзбекистоннинг ҳужум чизиғи кескин ўзгариши мумкинлигини кўрдик.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
