Малайзиянинг Куала-Лумпур шаҳрида Осиё Футбол Конфедерациясининг 35-Конгресси бўлиб ўтди. Унда ОФК Ижроия Қўмитасининг Марказий Осиё минтақаси вакили, ЎФА биринчи витсе-президенти Равшан Эрматов бошчилигидаги Ўзбекистон футбол ассоциацияси делегацияси ҳам иштирок этди. Тадбирда ОФК Президенти Шайх Салмон бин Иброҳим Ал Халифа конфедерацияга аъзо миллий ва минтақавий ассоциацияларни янада ривожлантириш ва Осиё футболининг келажаги ҳақида ўз фикрларини билдирди.
"Биз Осиё футболини янада кучлироқ ривожлантиришга қаратилган янги лойиҳалар ва ўзгаришларни амалга оширмоқдамиз. Ушбу йўналишлар ва ҳамкорликлар Осиё футболининг мустаҳкам пойдеворини яратишда муҳим ўрин тутади. Клублар ва миллий жамоалар орасидаги ҳамкорликни кучайтириш, шунингдек, минтақавий мусобақалар орқали футболни халқаро майдонда янада ривожлантиришни режалаштиряпмиз," — деди ОФК президенти.
Конгресс давомида 2031-йилги Осиё Кубоги мезбонлиги учун 7 та номзодлар томонидан ариза берилгани таъкидланди. Австралия, Ҳиндистон, Индонезия, Корея Республикаси, Кувайт, БАА ва Ўзбекистон, Тожикистон, Қирғизистон каби давлатларнинг қўшма аризалари — ушбу турнирни янада жозибадор ва муваффақиятли ташкил этиш имкониятларини яратади.
"2031-йилги Осиё Кубоги учун рекорд миқдордаги давлатлар ариза берди, бу Осиё футболининг глобал майдондаги аҳамиятини янада оширади," — дея қўшимча қилди Шайх Салмон.
ОФК раҳбари, шунингдек, Фаластин, Мянма ва Таиландда юз берган табиий офатлар туфайли жабр кўрганларга ҳамдардлик билдирди. Конгресс давомида, шунингдек, кун тартибидаги бошқа масалалар ва ташкилотнинг ҳисоботлари тасдиқланди.
Осиё Футбол Конфедерациясининг 35-Конгресси давомида ФИФА президенти Жанни Инфантино нутқ сўзлаб, футболни барқарор ривожлантириш, аёллар ва болалар футболи, оммавий спорт, ижтимоий лойиҳалар ҳамда йирик мусобақаларга тайёргарлик масалаларига алоҳида эътибор қаратди. Жумладан, у 2026-йилги Жаҳон чемпионати ва илк бор ташкил этилаётган Клублар ўртасидаги Жаҳон чемпионатига тўхталиб ўтди.
Инфантино мазкур турнирда Осиё футболчилари сафида ўзбекистонлик футболчи ҳам (Абдуқодир Ҳусанов) иштирок этишини алоҳида таъкидлади.
Шунингдек, ФИФА президенти ўз нутқи давомида Ўзбекистоннинг ўтган йили Марказий Осиё минтақасида илк бор ФИФА миқёсидаги мусобақага мезбонлик қилганини юқори баҳолади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
