Malayziyaning Kuala-Lumpur shahrida Osiyo Futbol Konfederasiyasining 35-Kongressi bo‘lib o‘tdi. Unda OFK Ijroiya Qo‘mitasining Markaziy Osiyo mintaqasi vakili, O‘FA birinchi vitse-prezidenti Ravshan Ermatov boshchiligidagi O‘zbekiston futbol assosiasiyasi delegasiyasi ham ishtirok etdi. Tadbirda OFK Prezidenti Shayx Salmon bin Ibrohim Al Xalifa konfederasiyaga a’zo milliy va mintaqaviy assosiasiyalarni yanada rivojlantirish va Osiyo futbolining kelajagi haqida o‘z fikrlarini bildirdi.
"Biz Osiyo futbolini yanada kuchliroq rivojlantirishga qaratilgan yangi loyihalar va o‘zgarishlarni amalga oshirmoqdamiz. Ushbu yo‘nalishlar va hamkorliklar Osiyo futbolining mustahkam poydevorini yaratishda muhim o‘rin tutadi. Klublar va milliy jamoalar orasidagi hamkorlikni kuchaytirish, shuningdek, mintaqaviy musobaqalar orqali futbolni xalqaro maydonda yanada rivojlantirishni rejalashtiryapmiz," — dedi OFK prezidenti.
Kongress davomida 2031-yilgi Osiyo Kubogi mezbonligi uchun 7 ta nomzodlar tomonidan ariza berilgani ta’kidlandi. Avstraliya, Hindiston, Indoneziya, Koreya Respublikasi, Kuvayt, BAA va O‘zbekiston, Tojikiston, Qirg‘iziston kabi davlatlarning qo‘shma arizalari — ushbu turnirni yanada jozibador va muvaffaqiyatli tashkil etish imkoniyatlarini yaratadi.
"2031-yilgi Osiyo Kubogi uchun rekord miqdordagi davlatlar ariza berdi, bu Osiyo futbolining global maydondagi ahamiyatini yanada oshiradi," — deya qo‘shimcha qildi Shayx Salmon.
OFK rahbari, shuningdek, Falastin, Myanma va Tailandda yuz bergan tabiiy ofatlar tufayli jabr ko‘rganlarga hamdardlik bildirdi. Kongress davomida, shuningdek, kun tartibidagi boshqa masalalar va tashkilotning hisobotlari tasdiqlandi.
Osiyo Futbol Konfederasiyasining 35-Kongressi davomida FIFA prezidenti Janni Infantino nutq so‘zlab, futbolni barqaror rivojlantirish, ayollar va bolalar futboli, ommaviy sport, ijtimoiy loyihalar hamda yirik musobaqalarga tayyorgarlik masalalariga alohida e’tibor qaratdi. Jumladan, u 2026-yilgi Jahon chempionati va ilk bor tashkil etilayotgan Klublar o‘rtasidagi Jahon chempionatiga to‘xtalib o‘tdi.
Infantino mazkur turnirda Osiyo futbolchilari safida o‘zbekistonlik futbolchi ham (Abduqodir Husanov) ishtirok etishini alohida ta’kidladi.
Shuningdek, FIFA prezidenti o‘z nutqi davomida O‘zbekistonning o‘tgan yili Markaziy Osiyo mintaqasida ilk bor FIFA miqyosidagi musobaqaga mezbonlik qilganini yuqori baholadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
