"Андижон"нинг "Пахтакор"га қарши ўтказган ажойиб ўйини ва унда қайд этилган натижа муҳим воқеалардан бири бўлди ва бу шубҳасиз тарихий ғалаба!
"Андижон" жамоасининг Ўзбекистон чемпионатида ҳали Тошкентда "Пахтакор"ни таслим қилмагани фонида бу сафар "Бургутлар"нинг "Шерлар" уйидан ғалаба билан қайта олгани таҳсинга лойиқ.
Бутун жамоа катта ҳажмдаги ишни бажарди ва ғалабага ҳар томонлама муносиблигини исботлай олдилар. Ярим ҳимоячи Алтин Крезиу ҳам ушбу ўйинда жамоадошлари каби ўзини кўрсата олди. Легионер "Андижон" матбуот хизматига дастлаб Тошкентдаги ўйин ҳақида гапирди:
"Ҳа, бу "Андижон"нинг тарихида "Пахтакор"га қарши биринчи ғалабамиз. Шу сабабли ниҳоятда хурсандмиз. Биз бунинг учун ҳафта давомида жуда қаттиқ меҳнат қилдик. Рақибнинг ажойиб жамоа эканлигини биламиз. Шу боис ҳам қийин ўйин бўлишини сезиб тургандик. Лекин амалда уч очкони қўлга киритганимиздан катта қониқиш ҳосил қилдик. Яна шундай руҳда ишлашда давом этамиз".
Маълумки, ўйиннинг биринчи бўлимида дарвозалар дахлсиз қолди. Ҳаммаси иккинчи бўлимда содир бўлди ва дарвозаларга бешта гол урилди. Алтин бу хусусида шундай деди:
"Биринчи таймда тўпни эгаллаб туриш масаласида бир қатор устунликка эришаётгандек туюлмагандик. Боиси, "Пахтакор" тўпни назорат қилиб, паслар орқали яхши ўйнади. Лекин танаффус вақтида кичик деталларни тўғрилашга муваффақ бўлдик. Натижада иккинчи таймда анча яхши ўйин кўрсата олдик".
Крезиунинг киритилган голларда ҳиссаси катта бўлди. Кўрган бўлсангиз, иккита голга қойилмақом пас узатди ва бундан жамоадошлари усталик билан фойдаланди. Бунда албатта бутун жамоанинг ҳиссаси беқиёс бўлганини таъкидлаш даркор.
"Тўғри, иккита ассистни бердим. Лекин жамоасиз бунинг умуман имкони бўлмасди. Бизда жуда яхши даражадаги футболчилар борлигидан хурсандман. Шу билан бирга сафимизда ёш ҳамда тажрибали ўйинчилар ўртасида балансли таркиб юзага келган. Мураббийлар штаби ҳам учрашувга жуда яхши тайёргарлик кўришди. Биринчи таймда бироз бўшлиқларга йўл қўйдик. Кейин эса мураббий ўйинимизга кичик ўзгартиришлар киритди. Мураббийлар штаби бизни яна фаол ўйинга қайтара олдилар. Иккинчи таймдаги ўйин режаси бешта ҳимоячи билан ҳимояланиш эди, чунки "Пахтакор" ҳужумчилари хавфли бўлиб, улар яхши пасларни амалга оширишаётганди. Биз бунга тайёр эдик. Иккинчи таймдаги қарши ҳужумларимиз жамоамизга ёрдам берди. Ўз имкониятларимиздан унумли фойдаланганимиз ажойиб иш бўлди. Умуман олганда, бизга ёрдам берадиган кичик деталлар устида кўп ишладик. Жамоа кўрсатган ўйиндан мамнунман", - дея фикр билдирди, Крезиу.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
