"Andijon"ning "Paxtakor"ga qarshi o‘tkazgan ajoyib o‘yini va unda qayd etilgan natija muhim voqealardan biri bo‘ldi va bu shubhasiz tarixiy g‘alaba!
"Andijon" jamoasining O‘zbekiston chempionatida hali Toshkentda "Paxtakor"ni taslim qilmagani fonida bu safar "Burgutlar"ning "Sherlar" uyidan g‘alaba bilan qayta olgani tahsinga loyiq.
Butun jamoa katta hajmdagi ishni bajardi va g‘alabaga har tomonlama munosibligini isbotlay oldilar. Yarim himoyachi Altin Kreziu ham ushbu o‘yinda jamoadoshlari kabi o‘zini ko‘rsata oldi. Legioner "Andijon" matbuot xizmatiga dastlab Toshkentdagi o‘yin haqida gapirdi:
"Ha, bu "Andijon"ning tarixida "Paxtakor"ga qarshi birinchi g‘alabamiz. Shu sababli nihoyatda xursandmiz. Biz buning uchun hafta davomida juda qattiq mehnat qildik. Raqibning ajoyib jamoa ekanligini bilamiz. Shu bois ham qiyin o‘yin bo‘lishini sezib turgandik. Lekin amalda uch ochkoni qo‘lga kiritganimizdan katta qoniqish hosil qildik. Yana shunday ruhda ishlashda davom etamiz".
Ma’lumki, o‘yinning birinchi bo‘limida darvozalar daxlsiz qoldi. Hammasi ikkinchi bo‘limda sodir bo‘ldi va darvozalarga beshta gol urildi. Altin bu xususida shunday dedi:
"Birinchi taymda to‘pni egallab turish masalasida bir qator ustunlikka erishayotgandek tuyulmagandik. Boisi, "Paxtakor" to‘pni nazorat qilib, paslar orqali yaxshi o‘ynadi. Lekin tanaffus vaqtida kichik detallarni to‘g‘rilashga muvaffaq bo‘ldik. Natijada ikkinchi taymda ancha yaxshi o‘yin ko‘rsata oldik".
Kreziuning kiritilgan gollarda hissasi katta bo‘ldi. Ko‘rgan bo‘lsangiz, ikkita golga qoyilmaqom pas uzatdi va bundan jamoadoshlari ustalik bilan foydalandi. Bunda albatta butun jamoaning hissasi beqiyos bo‘lganini ta’kidlash darkor.
"To‘g‘ri, ikkita assistni berdim. Lekin jamoasiz buning umuman imkoni bo‘lmasdi. Bizda juda yaxshi darajadagi futbolchilar borligidan xursandman. Shu bilan birga safimizda yosh hamda tajribali o‘yinchilar o‘rtasida balansli tarkib yuzaga kelgan. Murabbiylar shtabi ham uchrashuvga juda yaxshi tayyorgarlik ko‘rishdi. Birinchi taymda biroz bo‘shliqlarga yo‘l qo‘ydik. Keyin esa murabbiy o‘yinimizga kichik o‘zgartirishlar kiritdi. Murabbiylar shtabi bizni yana faol o‘yinga qaytara oldilar. Ikkinchi taymdagi o‘yin rejasi beshta himoyachi bilan himoyalanish edi, chunki "Paxtakor" hujumchilari xavfli bo‘lib, ular yaxshi paslarni amalga oshirishayotgandi. Biz bunga tayyor edik. Ikkinchi taymdagi qarshi hujumlarimiz jamoamizga yordam berdi. O‘z imkoniyatlarimizdan unumli foydalanganimiz ajoyib ish bo‘ldi. Umuman olganda, bizga yordam beradigan kichik detallar ustida ko‘p ishladik. Jamoa ko‘rsatgan o‘yindan mamnunman", - deya fikr bildirdi, Kreziu.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
