Пеллегрини: «Манчестер Сити» жозибали, ҳужумкор футбол намойиш этади»
Англиянинг «Манчестер Сити» клуби янги бош мураббийи Мануэль Пеллегрини жамоанинг янги мавсумдаги режалари билан ўртоқлашди.
«Ҳамма «Манчестер Сити» юқори савиядаги жамоага келганингдан кейин сендан своринларни қўлга киритишингни кутади. Клуб ҳар йили таркибни кучайтириш учун жуда катта миқдорда инвестиция ажратади. Шу мақсадда жуда кўп ишларни амалга оширади».
«Бир қатор турнирларда «Сити» муваффақиятли иштирок эта олмаяпти. Бироқ ишончим комилки, биз бу ишни ҳам эплай оламиз. Премьер-лига чемиони бўлишимиз мумкин, Чемпионлар лигаси бош совринини қўлга киритишимиз мумкин. Ҳар қандай вазиятда ҳам кўпроқ совринларни қўлга киритишга ҳаракат қиламиз».
«Шу билан бирга жамоа мухлисларига бу мавсумда жамоа ўйинидан завқ олишлари мумкинлигини ҳам айтиб ўтмоқчиман. Биз буёғига жозибадор, ҳужумкор футбол намойиш этамиз. Бу мавсум жамоа учун муваффақиятли кечишига ишончим комил. «Сити» мухлислари ишончини қозониш учун жуда кўп ишлашга тайёрман», дея Пеллегринининг сўзларидан иқтибос келтирмоқда ФИФА расмий сайти.
Манба: www.fifa.com
Киритилди: 18:16, 15.06.2013. Ўқилди: 2644 марта. Фикрлар: 11 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар