"Сурхон" бош мураббийи Февзи Давлетов Ўзбекистон кубогининг 2-тури доирасида бўлиб ўтган "Динамо"га қарши ўйин (0:1) борасида ўз фикрлари билан ўртоқлашди.
— Гол ўтказилган пайтда ҳимоя иш бермади. Шу голдан кейин жамоа ўзини тўплаб олди ва ўйини яхшиланиб борди. Менимча, биз ўйин жиҳатдан рақибдан устун эдик. Аммо яна гол йўқ ва гол уришда муаммо бор. Ё тўп дарвоза томон аниқ бормайди, ёки рақиб дарвозабони жамоасини қутқаради. Биз кўплаб ҳужумлар яратамиз, лекин гол ура олмаймиз.
— Сизнингча, нега ўтган ўйинда ҳимоячилар дарвозамизни дахлсиз сақлаган бўлса-да, бу сафар улар алмаштирилди?
— Биз таркибда ротация қилдик, чунки олдимизда “Пахтакор”га қарши оғир ўйин кутилмоқда. Мураббийлар штаби билан маслаҳатлашиб, айнан шу таркибни танладик. Менимча, голга олиб келган икки хатолик марказий ҳимоячилар жуфтлигининг ҳали тўлиқ ўйин ичида келишиб ишламаслигидан содир бўлди. Олдинги ўйинларда ҳимоя анча мувофазанатлашган эди. Ва, албатта, Нодирхон Неъматхоновнинг йўқлиги биз учун катта йўқотиш бўлди. Ушбу ўйинга айнан уни тайёрлаётгандик, аммо у шамоллаб қолди. Бу ўйинни унутишимиз керак, энди “Пахтакор”га тайёргарлик кўриш вақти келди.
— Ташқаридан қараганда, ҳужумда ўзаро тушуниш етарли эмасдек туюлади. Машғулотларда бу йўналишда иш олиб боряпсизми?
— Албатта иш олиб боряпмиз. Аммо футболчилар рақиб босими ва трибуналар қаршисида ҳам ўз имкониятларидан фойдаланишни билишлари керак.
— Футболчилар ҳаракатларида кўп ҳужумкор ўйин кўрдик. Ва футболчилар ротацияси ўзини оқлади. Тушунарли, кўплаб футболчиларга “Пахтакор”га қарши ўйин олдидан дам берилди. Аммо кейинги ўйинларда ҳам ротация бўладими?
— “Пахтакор”га қарши жанговор таркиб ўйнайди. Бугунги ўйинда қатнашмаган футболчиларнинг кўпчилиги ўтган “Машъал”га қарши ўйинда катта куч сарфлади. Биласиз, “Динамо” бугунги ўйинга анча тайёр ҳолатда келди, чунки уларда тайёргарликка кўпроқ вақт бўлди. Биз онгли равишда ротацияга бордик.
— Бугун кўплаб мухлислар ва журналистлар Достонбек Турсуновни Андрес Иньеста билан қиёслашди. Сизнингча, у ўз ўйинини янада такомиллаштириш имкониятига эга бўладими?
— Ҳар бир футболчи ўз ўйинини яхшилаши мумкин. Достон Турсунов ҳам шулар жумласидандир.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
