"Андижон" – "Бунёдкор" (0:2) учрашувидан кейинги матбуот анжуманининг иккинчи қисмида мезбонлар бош мураббийи Максим Шацких иштирок этди.
- Кўп гапиришдан фойда йўқ. Ёмон ўйин кўрсатдик. Учрашувдан аввал қандай ўйнаш кераклигини тушунтиргандик. Афсуски, барчаси аксинча тус олди. Футболчилар кўрсатмаларимизни тўлиқ бажаришмади. Таҳлил қиламиз, ўрганамиз. Ўйинчиларимизни кўп қисми бундай учрашувларга тайёр эмас. Ёшлар ҳам бирданига ўйнаб кета олмайди. Ўйин ташкил қилиш ва яна бир қанча жиҳатларда бизга вақт кераклиги кўриниб турибди. Ўйинни ўзгартиришга қилган уринишларимиз ҳам таъсир кўрсата олмади. Доимгидек, асосий муаммоларимиз ҳимояда. Шу билан бирга яхши футболчиларимиз ҳам бор. Ўйлайманки, ҳаммаси изига тушиб кетади. Иккинчи даврада бошқача шаклланган жамоа пайдо бўлади, деб ўйлайман. Учрашувда бир қатор муаммоларимиз ҳам кўринди. Тегишли хулосаларни чиқарамиз.
- Майдон маркази рақибга бериб қўйилди. "Бунёдкор"да бу позицияда тажрибали ўйинчилар бор. Шохжаҳон Ёрқинбоев иккинчи бўлимда майдонга туширсангиз бўлмасдими?
- Машғулотларда ишлашини, ҳаракатини кўриб унга имконият беришга қарор қилдик. Ўринбосарлар сафида ўйнаётганди ва бугун асосийда. Бизда бошқа вариант ҳам йўқ эди. Энди бироз танаффус бўлади ва йиғин ташкил қиламиз. Ана шунда ўйинчиларнинг миясини янада шакллантирамиз. Жисмоний ҳолат бўйича бизда яхши. Футбол бугунги кунда ақл билан ўйналадиган ўйин. Ким яхши, тез ва ақлли фикрласа ўша бугунги футболда ғалаба қозонади.
- Легионер Лука Ускокович қайдномага киритилмаяпти. Унда жароҳат йўқ, нега ўйнамаяпти?
- Лукада жароҳат бор, у даволаняпти. Суперкубокда жароҳат олганди. Шундан бери ўйнамади. Жароҳатидан қутулиш учун ҳаракат қиляпти. Тикланишига оз қолди ва сафимизга қайтади. Марказий ҳимояда ҳимоячи бўлмаган Исмоналиев, Азимов кабилар бошқа позитсияларда ўйнашга мажбур бўлдилар. Афсуски, бизда бошқа варианлар йўқ эди.
- Алтин Крезиу нега захирада қоляпти?
- Ким қандай ишласа, шунга яраша ўйнайди. Бу ҳақида ҳар куни ўйинчиларга айтаман ва буни улар яхши билишади. Бу нормал жараён деб ҳисоблайман. Машғулотларда борини бериб меҳнат қилиш керак. Бошқа йўл ҳам йўқ.
- Илҳом Абдуғаниевни мухлислар билан ўртасида юз берган ҳолатга муносабатингиз.
- Нотўғри қилди, мен буни унга айтдим. Жаримага тортилади. Ҳар қандай ҳолатда ҳам ҳақорат қилганида жавоб қайтармаслигинг керак эди, хато қилдинг деб айтдим. Тўғриси, нима деб бақиришганини эшитмадим. Футболчи майдонга тушдими, ўз ишини қилиши керак. Мураббий эса натижага жавоб беради. Бошқа нарсага эътибор қаратмаслиги лозим. У ҳам трибунадаги ҳолатга эътибор қаратмаслиги керак. Биз бу бўйича гаплашиб оламиз ва тегишли хулосаларни чиқарамиз. Умид қиламанки, бошқа бундай ҳолат бўлмайди.
- Иккинчи даврада "Пахтакор"дан Азмиддинов, Саиднуруллаев ва Усмоновнинг келиши ҳақида гап-сўзлар юрибди. Бу қанчалик ҳақиқат?
- Усмонов ва Саиднуруллаев бизга ўтади. Азмиддинов масаласи катта савол. Уни жалб қилиш осон бўлмайди. Футболчини яхши биламан, бизга фойдаси тегади. Раҳбарият билан уни ижарага олиш масаласини гаплашиб кўрамиз. Режалар бор ва буни амалга ошириш учун бироз вақт керак. Ўйинчиларни аввалдан биламан, креатив йигитлар.
- Биринчидан даврадан сўнг ҳозирги таркибдан ҳам яна кимлардир жамоани тарк этадими?
- Албатта, бўлиши мумкин. Ҳозирча бу саволга жавоб бера олмайман. Футболчи меҳнат қилиши ва ўйнаши керак. Етарлича тажрибаси, амалиёти бўлмаган футболчини клубда олиб қолишдан маъно йўқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сўғдиёна
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
