“Насаф” – “Андижон” (1:1) ўйинидан кейинги матбуот анжуманининг иккинчи қисмида мезбонлар устози Рўзиқул Бердиев журналистларнинг саволларига жавоб берди.
- Эътиборсизлик билан ўйинни бошладик. Рақибга янада зичроқ ҳимояланиш учун яхшигина имконият яратиб бердик. Шу боис ғалабани ўнглаш учун жуда ҳам қийналдик. Рақиб 0:1 дан кейин кўпроқ натижа учун ҳаракат қилди. Стандарт вазиятларда ёки дарвозага зарбалар беришда аниқроқ ҳаракат қилишимиз керак эди. Менимча, шу нарса етишмади.
- Рўзиқул Саъдуллаевич, доим шунақа бўлади: “Насаф” биринчи бўлиб гол ўтказганда ҳамиша қийналади. “Андижон” зўр ҳимояланди...
- Агар дарвозага берилган зарбаларда аниқроқ ҳаракат қилганимизда балки бошқа натижа бўлиши мумкин эди. Зарбадаги хатоларимиз уларга қўл келди. Машғулотда қанча бу ҳақида гапирмайлик, ўйинда бу вазият бошқача бўлади. Босимда ҳаракат қилганда аниқлик етишмайди. Хотиржамликни сақлаб қолишимиз керак. Чемпионат шунақа натижалар билан қизиқ бўляпти. Олдимизда кейинги ўйинлар бор.
- Легионерлар масаласида доим саволлар туғиляпти. Ҳали келгани йўқ дейишмоқда. Сабаб нима?
- Олдинги сафар айтдик, визани жуда кеч олишди. Кейингиси ҳам келди, Тошкентда тиббий кўрикдан ўтади. Уларни ҳолатини яхшилашимиз керак. Легионер масаласида вариантларимиз жуда кўп эди. Лекин нимадир сабаблар бўлиб, буларга тўхталишга мажбур бўлдик. Ўйлайманки, уларни бошқа ўйинлар давомида ротация қилишга, қаердадир толиқишлар бўлса алмаштиришга имконият қилиб таклиф қилдик. Бизга қўшимча куч бўлади, деган умиддамиз.
- Бу йил “Насаф” билан “Андижон” ОЧЛда иштирок этишади. Жамоангизнинг бу борадаги вазифаси қандай ва илк бор қатнашадиган “Андижон”нинг имкониятларини қандай баҳолайсиз?
- Иккала жамоага ҳам омад тилаймиз. “Андижон” ҳам яхши таркиб қилишга ҳаракат қиляпти. Кўп ўйинчиларини ўзгартирди. Бизни вазифамиз турнирда ғолиб чиқиш эмас, муносиб иштирок этиш. Имкон қадар гуруҳ босқичидан ўтишга ҳаракат қиламиз. Бу осон эмас. Йил бошидан бу йилги оғир мавсумга тайёргарлик кўрдик. Чемпионликни ҳимоя қилиш ҳам жуда оғир бўлади. Шунга қарамасдан жамоамиз хотиржам ҳаракат қиляпти. Ўйлайманки, албатта мақсадимизга эришамиз.
- Дебют қилган Шалани ўйинини қандай баҳолайсиз?
- Энди биринчи ўйин. Кўрдинглар, биз билан машғулотга икки марта қатнашди. Кучли тарафлари бор. Бундан фойдаланишимиз керак. Тезкор, бирга-бир ва қарши ҳужумларда яхши ҳаракат қилиш мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
