Яқинда Англиянинг Ливерпул шаҳрида World Boxing таҳтидаги илк жаҳон чемпионати якунланди.
Қозоғистон умумжамоавий ҳисобда етти олтин, бир кумуш ва икки бронза медали билан биринчи ўринни эгаллади. Эркаклар жамоаси ҳисобида тўртта олтин бўлиб, бу кўрсаткич мусобақада иккинчи натижа бўлди. Эркаклар жамоаси бўйича биринчи ўрин эса олтита олтин ва бир кумуш медал билан Ўзбекистонга насиб этди.
Sports.kz мухбири Ўзбекистон эркаклар терма жамоаси бош мураббийи Тўлқин Қиличев билан суҳбатлашиб, жамоанинг ЖЧ–2025даги иштирокини сарҳисоб қилди, ҳакамлик ҳақида фикр билдирди ва Жаҳонгир Зокировнинг Айбек Оралбайга қарши мағлубиятини изоҳлади.
— Ўзбекистон эркаклар терма жамоасининг Ливерпулдаги чемпионатдаги иштирокини қандай баҳолайсиз?
— Жуда яхши баҳолайман. Агар ўн баллик тизимда баҳоласам — «етти» деб айтардим. «Ўн» олиш учун барча вазн тоифасида ғалаба қозонишимиз керак эди. 6 та олтин ва 1 та кумуш — тарихий натижа.
— Қайси боксчилар ўз имкониятларидан паст ўйнашди ёки аксинча?
— Боксчиларимиз яхши иштирок этди, рингда барча кучини қолдирди. Албатта, баъзи нарсаларни ўзгартириш мумкин эди. 50 кг вазн тоифасида Шодиёржон Мелиқўзиев имкониятларидан паст иштирок эти. Шавкатжон Болтаев ва Жаҳонгир Зокиров барча кучини берди, афсуски, ютқазди.
— Шундай қилиб, эркаклар жамоаси Қозоғистон билан асосий беллашувдан ташқари барча тўқнашувларда ғалаба қозонди, тўғрими?
— Ҳа, деярли барчасида ютдик. Ҳозир бизда Ўзбекистон тарихидаги энг кучли ёш жамоалардан бири бор. Агар термамизни исталган жамоага қарши «яккама-якка» қўйсак, ҳисоб камида 8:2 ёки 9:1 бўлади. Биз фақат оғир вазнли боксчида мағлуб бўлдик. Энди жисмоний тайёргарликка кўпроқ эътибор беришимиз керак.
— Жаҳонгир Зокировнинг Айбек Оралбайдан мағлубияти Сиз учун мусобақадаги энг аламлиси бўлдими?
— Агар умумий жамоавий натижалар ҳисобга олинса, ҳал қилувчи жангда ютқазиш ҳар доим аламли. Мураббий шогирди мағлуб бўлганда хурсанд бўлмайди. Лекин фақат эркаклар жамоаси иштирокини олсак, бу жангнинг сўнгги қисмида қўлидан чиқарилган 2:3 ҳисобидаги мағлубият эди. Бу ерда ғайритабиий ҳеч нарса йўқ. Айбек Оралбай яхшироқ тайёргарлик кўрган, баракалла! Мен уни ғалабаси билан табрикладим. Барчада маълумки, биз дунёдаги энг кучли жамоамиз. Буни кўрсатдик ва исботладик!
— Қозоғистонлик боксчида кўпроқ хоҳиш бор эдими ёки тажриба?
— Айбек Жаҳонгирдан анча катта ва тажрибали. Ҳал қилувчи пайтларда қандай ҳаракат қилишни яхши билади. Унинг тажрибаси ҳал қилувчи бўлди. Жаҳонгир эса ҳали ёш.
— Умуман олганда, мусобақа ва ҳакамликни қандай баҳолайсиз?
— Ҳакамлик ҳақида ҳеч нарса демайман. Биз рози бўлмаган пайтлар бўлди, бошқалар рози бўлмаган пайтлар ҳам бўлди. Боксда бу доим шундай. Умуман олганда, ҳакамлик нормал бўлди.
— Ўзбекистон эркаклар терма жамоаси IBA жаҳон чемпионатида қатнашадими?
— Ростини айтсам, бу масалада аниқ билмайман. Агар раҳбарият бизга рухсат берса, албатта борамиз. Бу каби қарорларни биз қабул қилмаймиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
