“Андижон” - “Сўғдиёна” (2:2) учрашувидан кейинги матбуот анжуманининг иккинчи қисмида мезбонлар устози Максим Шацких иштирок этди.
- Тўғриси, гапни нимадан бошлашни билмаяпман. Биринчи таймда шунча вазият яратиб, гол ура олмасликни қандай изоҳлаш мумкин, билмадим. Учрашувда бизга анча оғир бўлди. Қайсидир маънода баъзи футболчиларга жонбозлик кўрсатишгани учун раҳмат айтдим ва хурсанд бўлдим. Режа билан иш тутишгани, азарт, иштиёқ борлиги учун мамнун бўлдим. Мен алоҳида индивидуал маҳорат ҳақида гапирмаяпман. Биз бугун жамоавий ва характер кўрсатадиган ўйинни томоша қилдик. Осиё Чемпионлар лигасида қийин ўйинни ўтказиб қайтгандик. Бу қайсидир маънода ушбу учрашувга ҳам таъсирини кўрсатди. Шундай бўлса-да, йигитларга миннатдорчилик билдираман. Улар тикланиш жараёнини яхши ўтказишди. Ўзимиз хоҳлаган нарсага яқинлашишга ҳаракат қилдик. Иккинчи бўлимда нисбатан фаолроқ бўлдик, дейишим мумкин. Албатта, хатолардан кўз юмиб бўлмайди. Камчиликларимиз бор. Ўтказиб юборилган голлар фақат ўзимизни хатоимиз сабабли бўлди. Таҳлил қилиб чиқамиз. Кейинчалик бундай хатоларга йўл қўймасликка ҳаракат қиламиз. Футболчиларга ва мухлисларимизга миннатдорчилигимни билдираман. Ишқибозлар бизни қўллаб-қувватлашда давом этишади ва биз уларнинг ишончини оқлашга ҳаракат қиламиз. Уларни яхши кайфиятда бўлиши учун биз доимо қўлимиздан келган барча ишни қиламиз.
- “Андижон”ни аутсайдерлар қаторига кириб бораётгани сиз мураббийлар штабини қанчалик хавотирга соляпти?
- Қандай хавотир ҳақида гапиряпсиз? Биз мураббийлар штаби ҳар бир учрашувда ғалаба учун тайёрлаймиз. Ҳар бир ўйинни ўзига яраша масъулияти бор. 4 кундан сўнг ОКМК билан ўйнаймиз. Биз фақат ғалабани хоҳлаб майдонга тушамиз. Қўлимиздан келганича ҳаракат қиляпмиз. Биринчи таймда бир қанча вазиятлар яратдик. Аммо унумли фойдалана олмадик. Билмадим, бу нима билан боғлиқ? Иккита гол урдик, бироқ иккита гол ҳам ўтказиб юбордик. Бундай учрашувлар бўлиб туради. Ҳали ўйинларимиз бор. Ҳозирча турнир жадвалига у қадар жиддий ёндашиб бўлмайди. Бу ўйин 2:2 билан тугади. Энди кейинги учрашув ҳақида ўйлашимиз керак.
- Люпчо Дориевни Суннатиллоҳ Ҳамиджонов қўриқлади. Чиндан ҳам уни вазифаси Дориев билан персонал ўйнашмиди?
- Улар шунчаки ўзларини позисиясида тўп суришди холос. Ўнг қанотда Дориев вингер, буни тан оламиз.
- ОЧЛ учун украиналик Евгений Макаренко билан шартнома имзоландими?
- Ҳозирча йўқ. Аммо режамизда бор ва 1 октябр кунги муҳим учрашувга ҳам тайёргарлик кўряпмиз. Афсуски, айрим чизиғимизда ўзимизга яраша муаммоларимиз бор. Бу футболчини аввалдан нимага қодирлигини биламан. Бизга катта ёрдам беришига ишонаман
Матнда хатолик топсангиз, ўша хатони белгилаб, бизга жўнатинг (Ctrl + Enter).
Андижон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
