Россиянинг Rusfootball.info нашри Фабио Каннаваронинг Ўзбекистон миллий жамоаси бош мураббий этиб тайинланиши мумкинлиги борасида мақола эълон қилди.
"Каннаваро Тошкентда — бу хабарни икки марта ўқиб, туш эмаслигига ишонч ҳосил қилишни хоҳлайсан.
Жаҳон чемпионатида дебют қилаётган терма жамоа, футбол тез ривожланаётган мамлакат ва Италия мудофаа афсонаси — 2006 йилги «Олтин тўп» соҳиби. Фабрицио Романо маълумотларига кўра, Фабио Каннаваро оғзаки равишда Ўзбекистон терма жамоаси бош мураббийи бўлишга розилик берган ва “оқ бўрилар”ни 2026 йилги мундиалга бошлаб боради.
Нега жамоани ЖЧга олиб чиққан мураббийни алмаштиришди?
Ёзда Ўзбекистон тарихий ютуққа эришди — БАА билан дуранг ўйнаб, илк бор жаҳон чемпионатига чиқди. Бу жамоани Тимур Кападзе бошқарган, у словениялик Сречко Катанец соғлиги сабаб лавозимни тарк этгач, раҳбарликни қўлга олганди.
Кападзе — тизим одамидир: ёшлар билан ишлаган, ҳозирги таркибнинг асосини шакллантирган. Демак, уни бош мураббий сифатида қолдириш мантиқан тўғри эди.
Бироқ федерациянинг ёндашуви бошқача. Жамоани мундиалга олиб чиқиш ва у ерда муносиб ўйнаш — икки хил миссия. Қисқа йиғинлар ва жадал тақвим шароитида катта тажрибага ва нуфузга эга мураббий керак.
Бозордаги вариантлар ҳам кўп эмасди: Йоахим Лёв рад этди, Паулу Бенту ва бошқалар “деярли” зонасида қолди. Каннаваро эса “1+” (бир йиллик шартнома, узайтириш имкони билан) таклифга рози бўлди — эҳтимол, ҳал қилувчи омил шу бўлган.
Катанец ким ва Кападзе қаердан келди?
Сречко Катанец – прагматик мураббий, у жамоага пойдевор қўйган, кам мағлуб бўлган ва саралаш босқичига тайёрлаган.
Соғлиги туфайли кетгач, унинг ўрнини Кападзе эгаллади ва тарихий натижа ҳам айнан у даврида келди.
Энг мантиқий ечим – Тимур Тахирович Каннаварога ёрдамчи сифатида қолишидир. Бу хорижий мутахассис билан маҳаллий муҳит ўртасидаги кўприк бўлади. Аммо...
Каннаваро мураббий сифатида
Футболчи сифатидаги мақом — шубҳасиз: жаҳон чемпиони, “Олтин тўп” соҳиби, Италия мудофааси етакчиси.
Бироқ мураббийлик карьераси унчалик ёрқин эмас. Энг яхши даври — “Гуанчжоу” (Хитой), аммо бу клуб Осиё чемпионлар лигаси кубокларини Липпи ва Сколари билан олган, Каннаваро билан эмас.
“Беневенто”, “Удинезе”, “Динамо” (Загреб)даги фаолияти ҳам узоққа чўзилмаган ва ноаниқ бўлган.
Бироқ терма жамоа клуб эмас. Бу ерда ҳар кунлик машғулотлардан кўра футболчиларни тез баҳолаш, жамоа муҳитини ҳис қилиш ва тартибни сақлаш муҳимроқ.
Каннаваро “Жаҳон чемпиони” сифатида келади — бунинг ўзиёқ “тингланиш” учун етарли далил.
Бизга таниш юзлар
Элдор Шомуродов — асосий ҳужумчи, “Ростов”да ёрқин ўйинлари билан танилган. У тўпни ушлаб туриш, шерикларга узатиш ва жамоага ҳужумни ташкил этиш имконини беради.
Аббосбек Файзуллаев — ЦСКАнинг собиқ футболчиси, тезлик ва дриблинг ҳисобидан хавфли вазиятлар яратадиган ёш вингер.
Бу тизим тартиб ва стандартларга асосланади — ЖЧ дебютанти учун бу ҳаётий аҳамиятга эга.
Шунингдек, Абдуқодир Ҳусановни ҳам айтиб ўтиш лозим — у “Манчестер Сити”да Пеп Гвардиола қўл остида ҳаракат қилмоқда. Англияга келганида қийинчиликка дуч келган бўлса-да, ҳозир ўйин суръати ва структурасини яхши ҳис эта бошлади.
Мундиалгача нима кутиляпти?
Октябрдан мартгача — бир қатор ўртоқлик ўйинлари ва қисқа йиғинлар режалаштирилган.
Режа оддий: ротация орқали скамейкани кенгайтириш ва роллар иерархиясини аниқ белгилаш.
Ҳужумда прагматик услуб: тўпни узоқ пас билан Шомуродовга етказиш ва Файзуллаев орқали тезкор ҳужумга чиқиш.
Ҳали жавобини кутаётган саволлар
- Каннаваро ўз штаби билан келадими ёки маҳаллий мутахассисларни жалб қиладими?
- У катта босим ва етакчилар атрофидаги мунозараларга чидамли бўладими?
- Ўртоқлик ўйинлари ҳақиқий синовга айланадими ёки кўзбўямачиликка?
- Ва асосийси — жамоа “турнир тажрибаси”ни тўплай оладими?
Агар Фабио Каннаваро ростдан ҳам бошқарувга ўтирса, у жуда қулай ҳолатни эмас, лекин жуда қизиқ горизонтни танлайди. Бундай йўлга биринчи қадами иккинчисидан баланд чиқишидан қўрқмайдиганлар киради. Ҳозир бу қадам аллақачон ташланган. Энди навбат — кейингига".
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
