“ПСЖ” клубининг собиқ футболчиси Рафинья жамоада Лионель Месси, Килиан Мбаппе ва Неймар биргаликда ўйнаган давр ҳақида гапирди.
“Ёзги йиғин вақтида, барча жамоага келган биринчи машғулотдаёқ айтгандим: «Бу ишламайди». Дарвозабондан бошлайлик: Навас ёки Доннарумма. Улардан бири ўйнамайди — ва бу уни жаҳллантиради. Мураббий билан тортишувлар, можаролар бўлади.
Ҳимояда — Маркиньос, асосий футболчи, уни ҳеч ким алмаштира олмайди; Кимпембе — “ПСЖ”нинг кумири; ва Серхио Рамос. Ҳар бир позицияда энг яхши ҳимоячилар. Ҳужумда — Ди Мария, Мбаппе, Неймар ва Месси. Улардан қайсисини олиб ташлайсиз? Ди Марияними? Унинг жамоадаги обрўси ва таъсирини инобатга олганда бу ҳам осон эмас. Унга шунчаки захирада ўтириш кераклигини айтолмайсиз. Бу тизим ишламайди.
Бу мураббий учун жуда қийин вазият эди. Бу исмлар ва ўйинчи даражаси бўйича дунёдаги энг кучли жамоа эди, лекин бошқариш жиҳатидан — жуда оғир. Мен ўша пайтда кўп ўйнамаганман, шунчаки четдан кузатганман”, — дейди Рафинья сўзларини "Lance" нашри келтиради.
Ўтган мавсумда “ПСЖ” Мбаппе, Неймар ва Мессисиз Чемпионлар лигасида ғалаба қозонди.
Матнда хатолик топсангиз, ўша хатони белгилаб, бизга жўнатинг (Ctrl + Enter).