"Локомотив" бош мураббийи Мирко Еличич Пролиганинг 17-тури доирасида бўлиб ўтган "ФарДУ" клубига қарши ўйин борасида ўз фикрларини билдириб ўтди.
— Биринчи бўлимни бўш бошладик. Лекин ўйинни назорат қилиб тургандик. Чунки биз асосан тўпни ушлаб туриш учун тизим яратгандик. Рақиблар биринчи бўлимда унчалик кўп ҳужум қилишмади. Уларга гол уриши, ўйиннинг интенсивлиги ошиши учун биз ёрдам бердик.
— Бугун жамоа стандартлардан кейин иккита гол ўтказиб юборди. Бу ҳақда нима дея оласиз?
— Эътиборсизлик. Йигитлар бўлаётган воқеликларга шунчаки қараб туришди ва реакция қилишмади. Бу ҳақда мен кўп гапирганман. Позиция бу алоҳида нарса, лекин эътибор тўпда бўлиши керак. Таркибда 2-3 нафар бўйи узун футболчилар бор. Улар бундай пайтларда хавфни бартараф қилишлари керак. Чунки стандартлар ўйин тақдирини ҳал қилиши мумкин. 90 дақиқа мобайнида ҳужумда ўйнаб, иккита голни стандартдан ўтказиб юбориш... Бу ҳақда гапириш қийин.
— Умуман олганда жамоанинг ўйинидан мамнунмисиз?
— Даражани ошириш керак. Биз эса ўша даражани излаяпмиз. Шунингдек, барқарорликни ушлаш керак. 90 дақиқа давомида меҳнат қиляпсизми, сифатли ишлаш керак. Бўшашсангиз исталган рақиб қийнаб қўя олади. Ҳозир жамоанинг ўйини унчалик ёмон эмас, лекин ўйиндан-ўйинга даражани ошириш керак. Айнан шу нарса ҳозир жамоага етишмаяпти. Қўшиш учун эса ишлаш керак.
— Жамоа бугун уйдаги сўнгги ўйинини ўтказди. Олдинда 3 сафар ўйини кутиб турибди.
— Ўйинлар қийин бўлади, айниқса «Арал» ҳамда «Жайхун»га қарши баҳслар. Чунки у ердаги майдонда футбол ўйнаш қийин. Бундай майдонда ҳаракат қилмасдан чемпионликни қўлга киритишнинг имкони йўқ. Бу ҳолатни ўрганиб чиқишимиз керак.
— «ФарДУ» жамоаси ҳақидаги фикрларингиз.
— Улар 5-3-2 тизимида ўйнаётганида кўп режалари амалга ошмоқда. Агарда 4-4-2 схемасида ўйнашганида бизнинг режалар ўхшаган бўларди. Мураббий алмашганидан кейин улар зич футбол ўйнашмоқда. Ҳозир жамоа нима қилиш кераклигини билмоқда, футболчиларнинг ўзларида етарлича фикрлар бор.
— Фарғонадаги ўйиндан кейин Сиз майдоннинг ҳолатини ёмон ва футбол ўйнашга ноқулай деб айтгандингиз.
— Йўқ, ундай демаганман. У ерда футбол ўйнаса бўлади. Шунчаки майдон оёқлар ва мушаклар учун бироз зарарли, майдон нотекис ҳолатда эди. Чим яхши, бироқ майдоннинг ўзи нотекис бўлганди. Агарда кроссовкада стадионга чиқсангиз майдоннинг нотекислигини сезасиз. У ерда 90 дақиқа ўйнаш бироз қийинчилик туғдирди. Лекин умуман олганда майдон яхши ҳолатда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
