«Шўртан»нинг машғулотлари Тошкентда давом этади
Шу кунга қадар иккинчи давра ўйинларига ўзининг Ғузордаги қароргоҳида тайёргарлик машғулотларини олиб борган «Оқ бўрилар» жамоаси 23 июль санасидан эътиборан пойтахтда йиғилишади.
Зоир Тўрақулов бошчилигидаги «Шўртан» футболчилари «Ўзбекистон» меҳмонхонасида истиқомат қилиш баробарида, Қибрайдаги «Дўрмон» стадионида кунига икки маҳалдан иборат машғулотларда иштирок этишади. Клуб раҳбарияти ва бош мураббий билан биргаликда тузиб чиқилган режага кўра, ғузорлик футболчиларнинг иккинчи давра учун пойтахтда олиб борадиган ҳал қилувчи тайёргарлик босқичи 2 августга қадар давом этади.
Бу муддат оралиғида «Шўртан» футболчилари машғулотлар билан биргаликда синов-назорат учрашувларида ҳам майдонга тушишади. Ҳозирча иккита учрашув ўтказилиши аниқ бўлди. Дастлаб, Ғузор жамоаси 25 июль куни Жиззахнинг «Сўғдиёна», 27 июль санасида эса биринчи лиганинг етакчи клубларидан бири «NBU-Осиё» (Тошкент) билан куч синашади.
Таркиб борасида тўхталадиган бўлсак, айни пайтда «Шўртан»ни тарк этганлар ва йиғинда иштирок этаётган янги футболчилар бор. Аммо бош мураббий ҳозирча бу борада бирор бир аниқ фикр билдиришни маъқул кўрмаяпти. Сабаби, айнан мана шу бугундан бошланадиган ҳал қилувчи тайёргарлик босқичи ва ўтказилиши кутилаётган синов-назорат учрашувларидан сўнг якуний таркиб масаласи ойдинлашади.
Хабарингиз бор, иккинчи давра ўйинларини «Шўртан» сафарда «Нефтчи»га қарши бошлайди. Зоир Тўрақулов бошчилигидаги ғузорликлар жамоаси Фарғонага айнан Тошкент йиғини якунланиши билан эртасига, яъни 3 август куни йўл олишади.
Воқеалар ривожини сайтимиз орқали кузатиб борсангиз барча янгиликлардан хабардор бўласиз. «Сўғдиёна» ва «NBU-Осиё» жамоаларига қарши кечадиган учрашувларда якуний таркиб шаклланиши кутилмоқда. Негаки, клуб раҳбарияти ва бош мураббий айнан мана шу йиғин ҳамда ўйинлар орқали футболчиларнинг имкониятларини кўздан кечиришади. Шундан сўнг бир тўхтамга келинади. Ушбу ҳолатни инобатга олган ҳолда биз мана шу икки учрашув давомида майдонга тушадиган ҳар бир футболчи ҳақида батафсил маълумот бериб боришга ҳаракат қиламиз.
Манба: www.fcshurtan.uz
Киритилди: 03:07, 24.07.2013. Ўқилди: 2878 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
