Элёр Раҳматуллаев: “Бу ўйиндаги ғалаба бизга жуда зарур эди”
Ўйиндан кейинги матбуот анжуманида "Андижон" мураббийи Элёр Раҳматуллаев қатнашди.
- Бизга бу ўйиндаги ғалаба жуда зарур эди. Буни уддаладик. Энди кейинги йилга қаттиқ тайёргарлик кўрамиз. Бундай вазиятга бошқа тушмасликка ҳаракат қиламиз.
- «Андижон»ни мавсум давомидаги иштироки ҳақида тўхталсангиз. Барқарор ўтмади, иккита мураббий алмашди. Сал қолса плей-оффга ҳам тушиб кетиши мумкин эди.
- Мавсум бизга оғир келди. Александр Хомяков ва Максим Шатскихни ҳам меҳнатлари бор. Улар ҳам ёмон натижа қилишмади. Бизни шу ҳолатга келишимизга асосан ўзимиз сабабчимиз.
- Чемпионат тугади. Орадаги уч ҳафталик танаффусдан кейин жамоа ОЧЛ гуруҳ босқичидаги сўнгги ўйинини ўтказади. Бу вақт ичидаги режалар қандай?
- Йигитларга бироз дам берамиз. Шундан кейин ўз қароргоҳимизда ўқув-машғулот йиғинларини олиб борамиз.
- Бугунги ғалабанинг асосий омили нимада деб ўйлайсиз?
- Футболчиларга яхшилаб тушунтирилди: охирги ўйин ва барча бирдамликда ҳаракат қилди. Шунингдек, бизга охирги кунларда қийин вазиятдан чиқишимизга Самвел ака Бабаян ҳам катта ёрдам берди. Тез орада жамоамиз матбуот хизмати томонидан расман эълон қилинади. Бундан ташқари, шу пайтгача ишлаган бошқа мураббийларга ҳам раҳмат айтаман, уларни ҳам меҳнатлари бор.
Манба: https://t.me/andijonpfc
Киритилди: 23:18, 30.11.2025. Ўқилди: 96 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар