«Ал-Аҳли» бош мураббийи: «Андижон» мусобақа давомида кучли жамоалигини кўрсатди»
ОЧЛ-2 турнири 6-тури доирасида ўтказиладиган «Ал-Аҳли» — «Андижон» учрашуви олдидан «Ас-Сумама» стадионида матбуот анжумани бўлиб ўтди.
Унда дастлаб мезбонларнинг янги бош мураббийи Юнус Али ва футболчи Иброҳим Диалло қатнашдилар.
Юнус Али: — «Андижон»га қарши биз учун муҳим ўйин. Гуруҳдаги барча учрашувлар сингари жиддий. Сўнгги икки ҳафта давомида ушбу баҳсга пухта тайёргарлик кўрдик. Нималарга қодирлигимизни кўрсатишни хоҳлаймиз. «Андижон» ҳам мусобақа давомида ўзини қанақа кучга эгалигини намойиш эта олди ва кучли жамоалигини кўрсатди. Уларнинг ўйин услуби ҳам яхши шаклланган. Бизни қийин ўйин кутиб турибди. Тўлиқ куч билан ёндашишимиз талаб этилади.
Иброҳим Диалло: — Бу ўзига яраша қийин ўйин бўлади. Мавсум ўртасида катта пауза юзага келди. Биз икки ҳафтадан бери расмий учрашувларни ўйнаётганимиз йўқ. Шу сабабли бизга бироз қийинроқ бўлади. Мураббий тайинланишига келсак, бу футболда бўлиб турадиган жараён. Мавсум ўртасида мураббий алмашди. Ўртадаги танаффусни ҳисобга олсак, бу худди янги мавсум бошланаётгандек. Тайёргарлик кўришга имконият бўлади. Жамоа ичидаги муҳит яхши, деб айта оламан. Янги мураббий иш бошлаганидан жамоа хурсанд. Ушбу беллашувга имкон қадар яхшироқ тайёргарлик кўришга ҳаракат қилдик.
— «Андижон» жамоасининг ўйин услуби ҳақида нима дея оласиз? Қайси жиҳатларига кўпроқ эътибор қаратиш керак?
Юнус Али: — «Андижон» жамоасининг ўйинларини кўриб чиқдик. Шунга амин бўлдикки, улар анча тартибли ўйин кўрсатишади. Имкон қадар майдон бўйлаб тартибли ўйнашга ҳаракат қилишади. Стандарт вазиятлардан ўйин масаласини ҳал қилишга ҳам интилишади. Ушбу вазиятларга жиддий эътибор қаратади. Шу томонлама ҳам «Андижон» хавфли. Биз рақибнинг кучли томонларини яхшилаб ўрганиб чиқиб, уларни бартараф этишга ҳаракат қиламиз.
— Таркибда жароҳат олган ўйинчилар борми?
Юнус Али: — Бизда жароҳатлар йўқ. Охирги ўйиндан олдинги машғулотни аъло кайфиятда тугатдик. Хайриятки, жароҳатлар кузатилмади. Эртанги учрашувга биз тўлиқ куч ва таркиб билан майдонга чиқамиз.
Манба: https://t.me/andijonpfc
Киритилди: 08:39, 24.12.2025. Ўқилди: 1272 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
