Иньеста шартномасини узайтирмаса, «Бавария» уни ўз таркибига қўшиб олиш учун ҳаракат қилади
"Барселона" яримҳимоячиси Андрес Иньеста келаси ёздан собиқ устози Хосеп Гвардиола қўл остида тўп сура бошлаши мумкин, дея хабар тарқатган AS.
Айни пайтда Каталония клуби 29 ёшли футболчи билан янги шартнома борасида музокаралар олиб боряпти. Амалдаги келишув 2015 йилда якунига етади. Томонларнинг иши ҳозирча юришмай турибди.
Бошқа испан ОАВлардаги маълумотларга асослансак, яримҳимоячини янги шартномага мувофиқ оладиган маоши қониқтирмаяпти. Яъни агар ушбу шартнома имзо чекса, Иньеста жаҳоннинг энг кўп маош олувчи футболчилари рўйҳатида ҳеч бўлмаса бешинчи ўринга ҳам жойлашмайди.
Бундан кўра Андрес собиқ устозининг олдига - Мюнхенга, "Бавария" клубига кетишни ҳам афзал кўриши мумкин. Немислар уни ўз сафларига чорламоқдалар. Агар янги шартнома имзоланмаса, "Бавария" келаси ёзда уни ўз сафига кўчиришга уриниб кўради.
Манба: www.football.kulichki.net
Киритилди: 10:00, 24.09.2013. Ўқилди: 3450 марта. Фикрлар: 8 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар