Ўзбекистон U-19 - Непал U-19. Превью
Ўзбекистон U-19 ёшлар терма жамоаси бугун, 8 октябрь, сешанба куни Тошкент вақти билан 18:30да Непалга қарши саралаш ўйинини ўтказади.
Ўзбекистон ва Непал термалари U-19 даражасида шу кунгача учта саралаш баҳсларида ўзаро майдонга тушган. Ушбу жамоаларнинг 19 ёшгача бўлган футболчилари ўртасида ОЧ-1998, ОЧ-2002 ва ОЧ-2008 саралашларида ўтказилган барча ўйинларда Ўзбекистон ғалаба қозонган.
Бағдодда бўлиб ўтган U-19 ОЧ-1998 саралашида Ўзбекистон Непал устидан 7:0 ҳисобида ғалаба қозонган. Тошкентда бўлиб ўтган U-19 ОЧ-2002 саралашида Ўзбекистон ёшлари Непал устидан 12:0 ҳисобида ғалаба қозонган. U-19 ОЧ-2008 саралаши доирасидаги Ўзбекистон – Непал ўйини ҳам Тошкентда ўтган. Кенжа Тўраевнинг ягона голи Ўзбекистонга ғалаба келтирган.
Ўзбекистон ва Непал терма жамоалари U-19дан бошқа ёш тоифаларида ҳам авваллари тўқнаш келишган. Ўзбекистон U-16 терма жамоалари саралаш баҳсларида уч марта – ОЧ-2000 ва ОЧ-2006 саралашларида Непалга қарши тўп сурган. Ўзбекистон U-16 ўсмирлар термасининг Непалга қарши ҳар иккала ўйини Непалда ўтган ва ҳар иккиси ҳам омадсиз тугаган. U-16 ОЧ-2000 саралашида Ўзбекистон ўсмирлари Непалга 0:3, U-16 ОЧ-2006 саралашида эса 0:2 ҳисобида имкониятни бой беришган.
Бугун бўлажак ўйин Алексей Евстафеев фаолиятидаги Непалга қарши биринчи ўйин эмас. Евстафеев 2012 йили U-22 ёшлар термаси устози сифатида Катмандуда Непал ёшларига қарши чиқиб, 4:2 ҳисобида ғалаба қозонган.
U-19 ОЧ-2014 саралашида Непал ҳозиргача икки ўйин ўтказди: жамоа Туркманистонга 1:2, Ҳиндистонга 0:1 ҳисобида мағлуб бўлди. Ўзбекистон U-19 учун Непалга қарши ўйин саралашдаги 2-ўйин бўлади. Биринчи ўйинда Евстафеев шогирдлари Туркманистонни мағлуб этишди (1:0).
7 октябрда, шунингдек, “А” саралаш гуруҳида Қатар U-19 – Туркманистон U-19 учрашуви ҳам бўлиб ўтади. Ўйин 21:00да бошланади (Тошкент вақти).
Манба: twitter.com/UzbekistanU20
Киритилди: 16:20, 08.10.2013. Ўқилди: 3984 марта. Фикрлар: 14 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
