Дилшод Нуралиев: «Натижадан қониқдим, ўйиндан эмас»
Панама ва Ўзбекистон ўсмирлар терма жамоалари ўртасидаги ўйиндан кейин икки терма жамоа бош мураббийи саволларга жавоб беришди. Дастлаб ҳар иккала жамоа бош мураббийи ўйин ҳақидаги фикрлари билан ўртоқлашишди.
Хорхе Вальдес, Панама бош мураббийи: — Биринчи ўйинда ютқазиш барибир аламли. Бугунги ўйинда кўплаб хатоларга йўл қўйдик. Натижани тезроқ унутиб, кейинги баҳсларда ўйинимизни кучайтириш борасида ўйлашимиз керак.
Дилшод Нуралиев, Ўзбекистон U17 бош мураббийи: — Биринчи ўйин доимо қийин бўлиб келган. Бундай пайтда ҳиссиётларни жиловлаш қийин. Шу боис биринчи бўлимда ўз ўйинимизни намойиш қила олмадик. Иккинчи бўлимда эса ўйинимиз сал қовушди. Панама биринчи бўлимда яратган вазиятини голга айлантира олганида ўйин бошқача ривожланиши мумкин эди. Кейинги турда Панама билан ўйинда Хорватияга осон бўлмайди", дейди Дилшод Нуралиев ўйин ҳақида ўз фикрларини билдирар экан.
— Иккинчи тур олдидан жамоада қайси чизиқда муаммолар бор?
Дилшод Нуралиев: — Бугунги ўйинни таҳлил қилиб, хато ва муаммолар борлигини кўрдим. Буни ёрдамчиларим ҳам кўришди. Қандай муаммолар эканлигини эса айтиб ўтиришим шарт эмас. Лекин Марокаш билан ўйингача бу хатолар устида ишлашимиз кераклигини тан оламан.
Хорхе Вальдес: — Биз гуруҳдаги вазиятимизни ўнглаш учун нимадир қилишимиз аниқ. Ўзбекистоннинг қарши ҳужумда хавфлилигини билиб, унга қарши негадир чора-тадбир қўллай олмадик. Кейинги ўйингача олдимиздаги вақт кам. Қисқа давр ичида катта ўзгаришларни амалга ошириш ниятимиз йўқ. Ҳозирги ўйинни яхшилашимиз керак, тамом.
— 2:0 ҳисобидаги натижадан қониқиш ҳосил қилдингизми?
Дилшод Нуралиев: — Натижадан қониқдим, аммо ўйиндан эмас. Ўйинни кучайтириш учун қиладиган ишларимиз кўп. Марокаш билан ўйингача тегишли ишларни қилишга улгурамиз.
— Биринчи тур ўйинлари тугади. Жамоалар ҳақида маълум тасаввурга эга бўлдингиз. Шундан келиб чиқиб, гуруҳда фаворит ким?
Дилшод Нуралиев: — Гуруҳда ҳамма фаворит. Тўғриси-да! Биринчи турга қараб хулоса қилмаган бўлардим. Гуруҳимизга тенг жамоалар йиғилган. Масалан, Панама ҳали Хорватияга муаммо туғдира олади. Бугунги рақибимиз жуда яхши шаклланган жамоа. Биринчи турда ютқазган Панамада ҳам, Хорватияда ҳам салоҳият катта.
— Панамада имконият қолдими?
Хорхе Вальдес: — Албатта, имконият бор, лекин вазифа қийинлашди. Хорватларга қарши ўйинда ютишимиз керак. Бу эса бугунгидан ҳам қийин бўлади. Таслим бўлиш ниятимиз йўқ!
— Осиё чемпионларига қарши ўйиндаги 0:2 натижа сизнингча кутилмаган ҳисобми?
Хорхе Вальдес: — Натижа адолатли бўлди. Кучли жамоа ютди. Ўзбекистон ғалабага лойиқ эди. Биз эса кучли жамоага қарши бор имкониятимизни ишга солдик. Аммо ўзимизга керакли натижани қайд эта олмадик.
Манба: twitter.com/UzbekistanU17
Киритилди: 00:09, 19.10.2013. Ўқилди: 7337 марта. Фикрлар: 42 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
