Гран-Прида дзюдочиларимиз совриндор
БАА пойтахти Абу-Даби шаҳрида ўтаётган Халқаро дзюдо федерациясининг Гран-При турнирида кеча ҳамюртларимиз совриндорлар қаторига кўтарилишди.
-60 кг: Шарофиддин Лутфуллаев — кумуш медаль
Эркаклар ўртасида -60 кг вазн тоифасида татамига чиққан Шарофиддин Лутфуллаев финалда Олимпиада чемпиони, россиялик Беслан Мудрановга имкониятни бой бериб, кумуш медални қўлга киритди.
Таъкидлаш лозимки, Шарофиддин биринчи беллашувда жазоирлик Муҳаммад Рибоҳийни мағлуб этганидан сўнг чорак финалда россиялик олимпиада чемпиони Арсен Галстянга қарши кураш олиб борди. Бу спортчи ўтган йил Лондон олимпиадасида Ришод Собировни мағлуб этганини мухлислар яхши билишади. Ўша мағлубият учун Лутфуллаев реванш олиб ярим финалга чиқди. Бу баҳсда Шарофиддин битта “юко”дан сўнг “иппон”га эришган. Финал йўлида у германиялик Тобиас Энгльмайердан устун келди ва финал... кумуш медаль. Қувонарлиси, Ришод Собировдан сўнг бу вазнда яна бир етакчи спортчи етишб чиқаётгани кўзга ташланди.
Якуний натижалар
1. Беслан Мудранов (Россия)
2. Шарофиддин Лутфуллаев (Ўзбекистон)
3. Арсен Галстян (Россия)
3. Орхон Сафаров (Озарбайжон)
5. Тобиас Энгльмайер(Германия)
5. Диего Сантос(Бразилия)
-66 кг: Фармонов — бешинчи
Бу вазнда Мирзоҳид Фармонов дастлаб франциялик Келиан Ле Блушни енгиб, ярим финалга йўл олди. Бу босқичда у бўлажак чемпион, россиялик Михаил Пуляевга имкониятни бой берди. Бронза медаль учун кечган беллашувда Мирзоҳид яна бир россиялик Алим Гадановга ютқазиб, бешинчи ўрин билан кифояланди.
Якуний натижалар:
1. Михаил Пуляев (Россия)
2. Нижат Шихализода (Озарбайжон)
3. Алим Гаданов (Россия)
3. Сугои Уриарте (Испания)
5. Алтансух Довдон (Мўғулистон)
5. Мирзоҳид Фармонов (Ўзбекистон)
-73 кг: Мирали Шарипов бронза медалига эга бўлди
Ўзбекистон терма жамоаси аъзоси Мирали Шарипов биринчи беллашувда жазоирлик Юнус Ваҳобни мағлуб этиб, чорак финалда россиялик Денис Ярцевдан енгилди. Бронза медал учун кечган баҳсда у германиялик Кристофер Фолькни мағлубиятга учратди.
Якуний натижалар
1. Виктор Скворцов (БАА)
2. Мансур Исаев (Россия)
3. Мирали Шарипов (Ўзбекистон)
3. Миклош Унгвари (Венгрия)
5. Денис Ярцев (Россия)
5. Кристофер Фольк (Германия)
Мусобақада бугун оғир вазндаги полвонлар курашни давом эттиради.
Манба: www.sports.uz
Киритилди: 09:19, 23.11.2013. Ўқилди: 3347 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
