Дзюдо. Ўзбекистон Гран-прида яна 3та бронзага эга бўлди
БААнинг Абу-Даби шаҳрида дзюдо бўйича Гран-При туркумига кирувчи мусобақа якунланди. Кеча эркаклар ўртасида 4та ван тоифаси бўйича баҳслар бўлиб ўтди. Унда 3 нафар ўзбекистонлик спортчи бронза медалларини қўлга киритишди.
- 81 кг. Яҳё Имомов — бронза медали совриндори
Ушбу вазн тоифасида икки нафар ҳамюртимиз иштирок этишди. Шуҳратжон Арслонов дастлабки жангдаёқ мезбон спортчиси Чиска Валериуга ютқазиб қўйди. Яҳё Имомов эса дастлабки босқичдан озод этилди ва кейинги босқичда швециялик атлетни енгиб, чорак финалга чиқди. Аммо Яҳё ушбу босқичда буюк британиялик Том Ридга ютқазди. У бронза медали учун ўтиш баҳсида россиялик Станислав Семёновни енган бўлса, эронлик Амир Нажод Қосимов устидан қозонилган ғалаба эса унга бронза медалини тақдим этди.
Ушбу вазн тоифасида совриндорлар
1. Тома Сергиу (БАА)
2. Свен Мареш (Буюк Британия)
3. Сирожиддин Магомедов (Россия)
3. Яҳё Имомов (Ўзбекистон)
- 100 кг. Сойиб Қурбонов бронза медалига эга бўлди
Ушбу вазнда ҳам икки нафар спортчимиз қатнашди. Рамзиддин Саидов британиялик дзюдочини енгиб, чорак финалга чиқди. Аммо Сергей Самойлевичга ютқазиб, ярим финалга чиқа олмади. Ўтиш баҳсида эса у германиялик футболчига имкониятни бой берди.
Сойиб Қурбоновнинг "йўли" ҳам шунга ўхшаш бўлди. У ҳам аввал эронликни енгиб чорак финалга чиқди ва швед дзюдочисига ютқазиб ярим финалдан мосуво бўлди. Бироқ Қурбонов бронза учун жангларни жуда яхши ўтказди. Аввалига франциялик МАрет Кирилл мағлуб этилган бўлса, бронза медали учун баҳсда ўша Самойлевич "иппон" баоси билан маҳв этилди.
Ушбу вазн совриндорлари
1. Дмитрий Петерс (Германия)
2. Мартин Пасек (Швеция)
3. Карл-Ричард Фрей (Буюк Британия)
3. Сойиб Қурбонов (Ўзбекистон)
+100 кг. Болтабой Болтаевда ҳам бронза
Дзюдочимиз баҳсларни чорак финалдан бошлади ва илк беллашувдаёқ бўлажак чемпион Аслан Камбиевга ютқазди. Бронза учун жангларда эса руминиялик ва жазоирлик спортчилар мағлуб этилди.
Ушбу вазн совриндорлари
1. Аслан Камбиев (Россия)
2. Рой Мейер (Голландия)
3. Андре Бретбарт (Германия)
3. Болтабой Болтаев (Ўзбекистон)
Шу тариқа Ўзбекистон делегацияси мазкур Гран-прида 1та кумуш ва 4та бронза медалларини қўлга киритиб, умумжамоа ҳисобида 8-ўринни эгаллади (эркаклар ўртасида 6-ўрин). Медаллар сони бўйича эса вакилларимиз 4-ўринни банд этишди (эркаклар ўртасида 2-ўрин).
Киритилди: 07:42, 24.11.2013. Ўқилди: 3546 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
