ФИФА терма жамоаларнинг янги рейтингини эълон қилди. Унга кўра, Ўзбекистон миллий терма жамоаси 68-ўринни эгаллаб турибди. Демак, терма жамоамиз ноябрь ойи рейтингидаги ўрнини ўзгартирмаган.
Осиё жамоалари орасида Эрон бирданига 12 ўрин кўтарилиб, 33-поғонага чиқиб олди. Улар қитъамизнинг энг яхши жамоаси бўлишда давом этишмоқда. Иккинчи ўрин эса Японияга тегишли бўлиб турибди. Японлар 47-ўринга жойлашишган. Жанубий Корея эса улардан 7 поғона пастда жойлашишган бўлса, Австралия 58-қаторни банд этган. Иордания 5 поғона кўтарилиб, биздан ўтиб кетгани кўзга ташланади (65-ўрин). Ўзбекитсон Осиёда 6-ўринга тушиб қолди. Еттинчи ўрин БААга тегишли — 71-ўрин.
Рейтинг жадвалини Испания терма жамоаси бошқаришда давом этмоқда. Кейинги ўринларни Герания, Аргентина, Колумбия, Португалия, Уругвай ва Италия терма жамоалари боришмоқда. Рейтингнинг тўлиқ кўриниши билан ФИФА сайтида танишишингиз мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).