Reklama
Интернет технологиялари шиддат билан кундалик ҳаётимизга кириб келди ва уни кундан-кунга ёрқинроқ ва қизиқарлироқ қилмоқда. Яқиндагина бизга нафақат теледастурларни балки, Интернет тизими орқали улкан ҳажмдаги медиа-бозорни кузатиш имконини берувчи (Smart TV) ақлли телевизорлар пайдо бўлганда ҳайрат ила қувонгандик.
Аллақачон Smart TV телевизорлари хонамиздан чиқмасдан туриб, яна севимли теледастурларимизни томоша қилишдан чалғимаган ҳолда ижтимоий тармоқлар орқали бир-биримиз билан мулоқот қилиш имконини бермоқда. Бироқ, аксарият замонавий ақлли телевизорлар ўзларида кўплаб ажойиботларни жамлаган бўлса-да, уларнинг биргина камчилиги – мураккаб бошқарилиши, интерфейснинг катиши, иловаларни алмаштириш жараёнида ишчи экранга қайтиш заруриятининг мавжудлигидир. Ушбу камчиликлардан бутунлай холи бўлган WebOS дея номланувчи инновацион-оператив тизими айнан LG Smart TV телевизорлари учун мослаштирилган.
WebOS ўзи нима?
Платформа ёки бошқача қилиб айтганда WebOS операцион тизими – бу замонавий LG Smart TV телевизорларининг дастурий таркибини ташкил этади. Унинг асосий вазифаси ақлли телевизорларнинг экранида фойдаланувчининг турли иловаларда ишлашини етарлича осонлаштиришдан иборат. Ёш болалар учун ҳам тушунарли бўлган ушбу платформанинг интерфейси томошабинларга теледастурларни қўшимча функциялардан холи телевизорда намоён этаётгандек бемалол кўришларига имкон яратади.
WebOS даги интерфейс ҳақиқатдан ҳам тушуниш учун жуда осон. Ушбу хизмат турининг катта қисмини асосий инновацион ишланмалар ташкил этади. Экраннинг пастки қисмида жойлашган панел ўзида кўпфункцияли лентани мужассам этган. У экранда намоён бўлган медиаманбаларни ва турли иловаларни ўнг ёки чапга суриши ҳам мумкин. Ушбу амалиётга жорий этилган оддий ишланма туфайли панел телевизор томоша қилиш режимини танлаш қулайлигини ҳам беради. Бунда сиз оддий телеканалларни, сунъий йўлдош антенналарини, веб-сайтлар, видеофайлларни кўриш ҳамда турли кўнгилочар ўйинларни ўйнаш имконига эга бўласиз. Ақлли телевизорни уларга созлаш учун эса асосий экранга қайтиб чиқишга ҳожат йўқ.
WebOS платформасининг яна бир хусусияти Today – яъни, Бугун менюсининг мавжудлигидир. Бу фойдаланувчи кун давомида эфирга узатиладиган телесериаллар, машҳур фильмлар, ТВ-шоулардан кўриш учун тавсия этилганини топиш мумкин бўлган ўзига хос марказ ҳисобланади. “Бугун” менюсидан шунчаки фойдаланилганда бошқарув пультидаги Magic Remote нинг кенг имкониятларидан ҳам осонгина фойдаланиш мумкин.
Шунингдек, WebOS платформаси LG ишлаб чиқарувчисининг махсус он-лайн магазинига кириш учун қулай тизимга эга бўлиб, бу ердан фойдаланувчи ўзи учун кенг турдаги фильмлар, 3D видео, ўйин ва турли тоифаларга ажратилган бошқа иловаларни топиши мумкин.
Айтганча, телевизорни ёқишингиз билан уни созлаш ишлари ҳам ортиқча бошоғриқ бўлмайди. WebOS платформасида BeanBird номли анимацион ассистент бунга асло йўл қўймайди. Ушбу қушча фойдаланувчига нафақат телевизорни, балки унга уланадиган турли ташқи қурилмаларни ҳам ўзи мустақил равишда созлаш ишларида сизга ёрдамлашади.
WebOS тизимли ақлли телевизорларга мобил қурилмалар ҳам оддий тарзда уланади. Смартфонлар ва телевизорлар ўртасидаги маълумотлар айирбошлашни WebOS тизимининг махсус Smart Share иловаси орқали амалга ошириш мумкин. Унинг ёрдамида IOS ёки Android хотира тизимида ишлайдиган исталган (девайсларга) осонгина уланиш ва медиафайлларни ақлли телевизорларга узатиш мумкин. Инновацион тавсифларига кўра платформа маълумотлар узатишга ихтисослашган MHL, WiDi ва Miracast каби замонавий функционал тизимларни ҳам ўқий олади. TagOn функцияси эса турли мобил қурилмалар ва LG Smart TV телевизорлари орасида маълумотлар алмашинувини таъминлайди.
WebOS платформаси интернет тармоғидаги топшириқлар бажарилишини сезиларли даражада соддалаштиради. Турли веб-сайтларда ишлаш энди сезиларли даражада қулай, Twitter каби созланган хизматлар эса ақлли телевизорларни оилангизнинг барча аъзолари учун ҳақиқий ахборот марказига айланишига имконият яратади. Айтганча платформада Netflix, HuluPlus, YouTube, CinemaNow, Skype, Facebook, Instagram, Pandora ва Amazon хизматлари билан ўзаро боғланиши ҳам янгиланган.
WebOS платформасида ишлайдиган телевизорларнинг бозорларимизда пайдо бўлишига ҳам оз қолди. Шу йилнинг январ ойида Лас-Вегасда ташкил этилган CES 2014 истеъмолчилар халқаро кўргазмасида LG ишлаб чиқарувчиси ўзининг янги 105 дюймли эгилган 4К телевизорларини намойиш этди. У кўргазманинг ахборот ҳамкори Reviewed.com сайтининг таҳририят танлови номинациясида ғолиб деб топилди. Албатта ушбу кўрсаткич малакали дастурчилар, инженерлар ва бошқа соҳа мутахассисларининг пухта ишлари натижасидир. Кундалик эҳтиёжимизда фойдаланиладиган маиший техникалар учун зарурий интерфейслар яратишда LG компаниясининг шундай мулоҳазали ва интеллектуал ёндашуви, шубҳасиз, ҳаётимизни янада яхшироқ, ёрқинроқ ва гўзалроқ бўлишига олиб келади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
