Зеедорф: "Ўйинимизда ўсиш бўлаётганидан мамнунман"
"Милан" бош мураббийи Кларенс Зеедорф Италия чемпионатининг 26-тури доирасида "Ювентус"га имконият бой берилгач (0:2), жамоасининг ўйинидаги ўсишдан қувонганини таъкидлади.
"Салбий натижага қарамай, мен жамоамнинг ажойиб ўйин кўрсатганини таъкидлаган бўлардим. Кучли рақиб билан тўқнаш келаётганимизни билардик. Бугун ўз ўйинимизни кўрсатиб, кўплаб ижобий томонларимизни намойиш эта олдик. "Ювентус" иккинчи бўлимнинг катта қисмини ҳимояда ўтказди. Жамоамнинг ўйинидаги ривожланишдан хурсандман.
Мен ўйинчиларга ўзларидаги мардликни топа олишларига ёрдам беряпман. Ўйиндан олдин бугунги тўқнашув ҳам биз тўғри йўлдан кетаётганимизни исботлаш учун яна бир имкон эканини, "Ювентус", "Атлетико" ва "Сампдония"га қарши ўйинларда яхши қатнаша олишимизни айтдим. Бу ишлаш учун ўзимизга ишончни оширди.
"Ювентус"ни ким тўхтата олади? Танк! Бундай натижа кўрсатаётган жамоа мақтовга сазовор. Тевес атиги 2 вазиятдан фойдаланиб ҳисобдаги фарқни оширди. Бу билан у жаҳон даражасидаги ҳужумчи эканини намойиш этди", - деди Зеедорф.
Манба: www.championat.com
Киритилди: 08:54, 03.03.2014. Ўқилди: 2153 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар